ក្រុមបាល់ទាត់ជម្រើសជាតិកម្ពុជា នឹងត្រូវជួបប៉ាគីស្ថាន វគ្គជម្រុះ FIFA World Cup 2026 ជុំទី១ នៅថ្ងៃទី១២ ខែតុលា ឆ្នាំ២០២៣ នៅពហុកីឡដ្ឋានជាតិ (ស្តាតអូឡាំពិក) វេលាម៉ោង ៧:០០នាទីយប់។
ស្របពេលលោក Félix Dalmás គ្រូបង្វឹកក្រុមជម្រើសជាតិកម្ពុជា បានកោះហៅកីឡាករសរុប ២៧នាក់ ខណ:កីឡាករ សៀង ចន្ធា សមាជិករបស់ Al Shahaniya SC លីគលំដាប់ទី២ របស់ប្រទេសកាតា និងបន្ថែម Yudai Ogawa កីឡាករចូលសញ្ជាតិខ្មែរ។
ខណ:ក្រុមជម្រើសជាតិប៉ាគីស្ថាន ក្រោមការដឹកនាំរបស់លោក Stephen Constantine គ្រូបង្វឹកជនជាតិអង់គ្លេស បានកោះហៅកីឡាករ ២៥នាក់ ស្របពេលកីឡាករលេងក្រៅស្រុកមាន៦នាក់រួមមានដូចជា៖
- អ្នកចាំទី Yousuf Butt ពីក្រុម Ishøj IF លីគទី៣ នៃប្រទេសដាណឺម៉ាក
- ខ្សែការពារ Abdullah Iqbal ពីក្រុម Boldklubben af 1893 លីគទី២ របស់ប្រទេសដាណឺម៉ាក
- ខ្សែការពារ Easah Suliman ពីក្រុម Sumgayit FK លីគកំពូល របស់ប្រទេសអាស៊ែបៃហ្សង់
- ខ្សែបម្រើ Rahis Nabi ពីក្រុម Digenis Morphou លីគទី២ របស់ប្រទេសក្រិក
- ខ្សែប្រយុទ្ធ Otis Khan ពីក្រុម Grimsby Town លីគទី៤ របស់ប្រទេសអង់គ្លេស
- ខ្សែប្រយុទ្ធ Abdul Arshad ពីក្រុម Hellerup IK លីគទី២ របស់ប្រទេសដាណឺម៉ាក
- ខ្សែបម្រើ Harun Hamid អតីតកីឡាករ QPR លីគទី២អង់គ្លេល បច្ចុប្បន្នក្រុម Kingstonian ពាក់កណ្តាលអាជីពរបស់អង់គ្លេស ខ្ចីជើងបណ្តោះអាសន្ន។
ក្នុងប្រវត្តិសាស្រ្តបាល់ទាត់ កម្ពុជា ធ្លាប់ជួប ប៉ាគីស្ថាន ៣លើក ចុះលទ្ធផល៖
- ថ្ងៃទី១៣ ខែវិច្ឆិកា ឆ្នាំ១៩៦៧ កម្ពុជា ១-០ ប៉ាគីស្ថាន វគ្គជម្រុះ AFC Asian Cup
- ថ្ងៃទី៦ ខែមិថុនា ឆ្នាំ២០១៩ កម្ពុជា ២-០ ប៉ាគីស្ថាន វគ្គជម្រុះ World Cup នៅពហុកីឡដ្ឋានជាតិ (ស៊ុតបញ្ចូលទីដោយ៖ គួច សុកុម្ភៈ និង សៀង ចន្ធា)
- ថ្ងៃទី១១ ខែមិថុនា ឆ្នាំ២០១៩ ប៉ាគីស្ថាន ១-២ កម្ពុជា វគ្គជម្រុះ World Cup (ស៊ុតបញ្ចូលទីដោយ៖ រ៉ឹង ប៊ុនហៀង និង សេត រ៉ស៊ីប)
កម្មវិធីប្រកួតវគ្គជម្រុះ World Cup៖
-ថ្ងៃទី១២ ខែតុលា កម្ពុជា ប៉ះ ប៉ាគីស្ថាន ជើងទី១ ៧:០០នាទីយប់ នៅពហុកីឡដ្ឋានជាតិ (ស្តាតអូឡាំពិក)
-ថ្ងៃទី១៧ ខែតុលា ប៉ាគីស្ថាន ប៉ះ កម្ពុជា ជើងទី២ នៅកីឡដ្ឋាន Jinnah Sports។
តម្លៃសំបុត្រ៖
-សំបុត្រប្រភេទ ១ Zone A មានតម្លៃ ៣០,០០០ រៀល
-សំបុត្រប្រភេទ ២ Zone B មានតម្លៃ ១៥,០០០ រៀល៕
