ប្រទេសចំនួន ៤ ដែល​មិន​អាច​រក​មេដាយបាន​ ប្រកួត Asian Games លើកទី១៩ នៅចិន

ព្រឹត្តិការណ៍ Asian Games លើកទី១៩ នៅទីក្រុង Hangzhou ប្រទេសចិន បានបិទបញ្ចកាលពីរាត្រី​ថ្ងៃទី៨ ខែតុលា ឆ្នាំ​២០២៣ កន្លង​ទៅ ក្នុង​នោះ​ប្រទេស ៤ មិន​អាច​រក​មេដាយ​បាន។ ខណ:​ប្រទេស​ចិន ឈរ​នៅ​លំដាប់​លេង​១ ជា​ប្រទេស​ដណ្ដើម​បានមេដាយច្រើនជាងគេ ក្នុង​ចំណោម ៤១​ប្រទេស​ដែល​បាន​ដណ្ដើមមេដាយ។

ខាង​ក្រោម​នេះ​គឺជាប្រទេសចំនួន ៤ ដែល​មិន​អាច​រក​មេដាយបាន​នៅ Asian Games លើកទី១៩៖

​១. ប្រទេសប៊ូតាន បញ្ជូល​អត្តពលិកចូល​រួម​​សរុប​ចំនួន ២៦នាក់ ប្រុស៤ ស្រី ២២ លើ ៨ប្រភេទកីឡា

២. ប្រទេសទីម័រខាងកើត បញ្ជូលអត្តពលិកចូលរួមសរុបចំនួន ១៣នាក់ ប្រុស៨ ស្រី ៥ លើ ៩ប្រភេទកីឡា

៣. កោះម៉ាល់ឌីវ បញ្ជូលអត្តពលិកចូលរួមសរុបចំនួន ៧៥នាក់ ប្រុស២៤ ស្រី ៥១លើ ៩ប្រភេទកីឡា

៤. ប្រទេសយេមែន បញ្ជូលអត្តពលិកចូលរួមសរុបចំនួន ១៨នាក់ ប្រុស៨ ស្រី ១០ លើ ៨ប្រភេទកីឡា

ខាងក្រោម​នេះ​គឺ​ជាតារាងមេដាយ​សរុប ដែល​ប្រទេស​ទាំង ៤១ ដណ្ដើម​បាន​ មេដាយ នៅ Asian Games 2022៖

ល.រ	ប្រទេស	មេដាយមាស	មេដាយប្រាក់	មេដាយសំរឹទ្ធ	មេដាយសរុប
១	ចិន	២០១	១១១	៧១	៣៨៣
២	ជប៉ុន	៥២	៦៧	៦៩	១៨៨
៣	កូរ៉េខាងត្បូង	៤២	៥៩	៨៩	១៩០
៤	ឥណ្ឌា	២៨	៣៨	៤១	១០៧
៥	អ៊ូសបេគីស្ថាន	២២	១៨	៣១	៧១
៦	ចិនតៃបុិ	១៩	២០	២៨	៦៧
៧	អ៊ីរ៉ង់	១៣	២១	២០	៥៤
៨	ថៃ	១២	១៤	៣២	៥៨
៩	បារ៉ែន	១២	៣	៥	២០
១០	កូរ៉េខាងជើង	១១	១៨	១០	៣៩
១១	កាហ្សាក់ស្ថាន	១០	២២	៤៨	៨០
១២	ហុងកុង	៨	១៦	២៩	៥៣
១៣	ឥណ្ឌូណេស៊ី	៧	១១	១៨	៣៦
១៤	ម៉ាឡេស៊ី	៦	៨	១៨	៣២
១៥	កាតា	៥	៦	៣	១៤
១៦	អារ៉ាប់រួម	៥	៥	១០	២០
១៧	ហ្វីលីពីន	៤	២	១២	១៨
១៨	កៀហ្ស៊ីស៊ីស្ថាន	៤	២	៩	១៥
១៩	អារ៉ាប៊ីសាអូឌីត	៤	២	៤	១០
២០	សិង្ហបុរី	៣	៦	៧	១៦
២១	វៀតណាម	៣	៥	១៩	២៧
២២	ម៉ុងហ្គោលី	៣	៥	១៣	២១
២៣	គុយវែត	៣	៤	៤	១១
២៤	តាជីគីស្ថាន	២	១	៤	៧
២៥	ម៉ាកាវ	១	៣	២	៦
២៦	ស្រីលង្កា	១	២	២	៥
២៧	មីយ៉ាន់ម៉ា	១	០	២	៣
២៨	ហ្ស៊កដានី	០	៥	៤	៩
២៩	តូមិននីស្ថាន	០	១	៦	៧
៣០	អាហ្វហ្គានីស្ថាន	០	១	៤	៥
៣១	ប៉ាគីស្ថាន	០	១	២	៣
៣២	ប្រ៊ុយណេ	០	១	១	២
៣៣	នេប៉ាល់	០	១	១	២
៣៤	អូម៉ង់	០	១	១	២
៣៥	អ៊ីរ៉ាក់	០	០	៣	៣
៣៦	ឡាវ	០	០	៣	៣
៣៧	បង់ក្លាដែស	០	០	២	២
៣៨	*កម្ពុជា	០	០	១	១
៣៩	លីបង់	០	០	១	១
៤០	ប៉ាឡេស្ទីន	០	០	១	១
៤១	ស៊ីរី	០	០	១	១
	សរុប	៤៨២	៤៨០	៦៣១	១៥៩៣

សម្រាប់កម្ពុជា ដណ្ដើមបានមេដាយសំរឹទ្ធ ១គ្រឿង លើកដំបូង​លើ​វិញ្ញាសា​សម្ដែង​មេគុន​នារីជា​ក្រុម ក្រុមកីឡាការិនីការ៉ាតេកម្ពុជា ដែលមានកីឡាការិនី ថាត់ ឆេងហ័ង, អូន ស្រីដា និង ពុទ្ធា ស្រីណុច ក្នុងព្រឹត្តិការណ៍ Asian Games លើកទី១៩ នៅទីក្រុង Hangzhou ប្រទេសចិន កាលពី​រសៀល​ថ្ងៃទី៦ ខែតុលានេះ។

នេះគឺជាមេដាយដំបូង ដែលអត្តពលិកកម្ពុជា ដណ្ដើមបានក្នុងព្រឹត្តិការណ៍កីឡាអាស៊ីឆ្នាំនេះ ក្រោយរង់ចាំតាំងពីថ្ងៃទី២៣ ខែកញ្ញា មកម្ល៉េះ ស្របពេលពិធីបិទនឹងធ្វើឡើងនៅថ្ងៃទី៨ ខែតុលា ឆ្នាំ២០២៣ ខាងមុខនេះ។

ព្រឹត្តិការណ៍កីឡា Asian Games 2022 នៅទីក្រុង Hangzhou ប្រទេសចិន បានប្រារព្ធពិធីបើក​ជាផ្លូវ​ កាល​ពី​រាត្រី​ថ្ងៃទី២៣ កញ្ញា និងបិទបញ្ចប់កាពីរាត្រីថ្ងៃទី៨ តុលា ដោយ​មាន​វត្តមាន ៤៥ប្រទេស ក្នុងទ្វីប​អាស៊ី​ចូលរួមក្នុង​ព្រឹត្តិ​ការណ៍​មួយនេះ។ សម្រាប់កម្ពុជាបានបញ្ជូនប្រតិភូកីឡាសរុប ១៨៩នាក់ ក្នុងនោះអត្ដពលិក​ចំនួន ១១៤នាក់ មាន ១៧ប្រភេទកីឡា៕