កីឡាការិនីជម្រើសជាតិហែលទឹក Zhang Yufei និងកីឡាករ Qin Haiyang របស់ប្រទេសចិនបានឈ្នះពានរង្វាន់ MVP ក្នុងព្រឹត្តិការណ៍ Asian Games លើកទី១៩ នៅទីក្រុង Hangzhou ប្រទេសចិន ក្នុងនាមជាអត្តពលិកដែលឈ្នះមេដាយច្រើនជាងគេ។
កីឡាការិនីជម្រើសជាតិហែលទឹក Zhang Yufei ដណ្ដើមបានមេដាយរួមមាន៖
-មេដាយមាស ១គ្រឿង វិញ្ញាសា 50 m freestyle
-មេដាយមាស ១គ្រឿង វិញ្ញាសា 50 m butterfly
-មេដាយមាស ១គ្រឿង វិញ្ញាសា 100 m butterfly
-មេដាយមាស ១គ្រឿង វិញ្ញាសា 200 m butterfly
-មេដាយមាស ១គ្រឿង វិញ្ញាសា 4 × 100 m freestyle relay
-មេដាយមាស ១គ្រឿង វិញ្ញាសា 4 × 100 m medley relay
កីឡាករកីឡាការិនីជម្រើសជាតិហែលទឹកចិនរូបនេះ កើតនៅថ្ងៃទី១៩ ខែមេសា ឆ្នាំ១៩៩៨ បច្ចុប្បន្នមានវ័យ ២៥ឆ្នាំ រូបនាងកើតនៅក្នុងទីក្រុង Xuzhou ខេត្តJiangsu ប្រទេសចិន។
កីឡាករជម្រើសជាតិហែលទឹក Qin Haiyang ដណ្ដើមបានមេដាយរួមមាន៖
-មេដាយមាស ១គ្រឿង វិញ្ញាសា 50 m breaststroke
-មេដាយមាស ១គ្រឿង វិញ្ញាសា 100 m breaststroke
-មេដាយមាស ១គ្រឿង វិញ្ញាសា 200 m breaststroke
-មេដាយមាស ១គ្រឿង វិញ្ញាសា 4 × 100 m medley relay
-មេដាយប្រាក់ ១គ្រឿង វិញ្ញាសា 200 m individual medley
កីឡាករជម្រើសជាតិហែលទឹករបស់ប្រទេសចិន Qin Haiyang កើតនៅថ្ងៃទី១៧ ខែឧសភា ឆ្នាំ១៩៩៩ បច្ចុប្បន្នមានវ័យ ២៤ឆ្នាំ កីឡាកររូបនេះមានទីលំនៅកំណើក្នុងទីក្រុង Shimen County ខេត្ត Hunan ប្រទេសចិន។
ក្នុងប្រវត្តិសាស្ត្រ កីឡាហែលទឹកកន្លងមកការប្រណាំងប្រជែងដណ្តើមពាន MVP ជាបន្តបន្ទាប់ ក្នុងចំណោម MVP របស់ Asian Games កន្លងមកមានអត្តពលិក ៤រូបធ្លាប់ឈ្នះរួចមកហើយ ក្នុងចំណោមពួកគេគឺ Kosuke Kitajima, Kosuke Hagino និង Rikako Ikee ម្នាក់ៗបាននាំយកកិត្តិយដល់ប្រទេសជប៉ុនចំនួន ៣ដង ខណៈដែល Park Tae-hwan ទទួលបានពានរង្វាន់ម្តងសម្រាប់ប្រទេសកូរ៉េខាងត្បូង។
ព្រឹត្តិការណ៍កីឡា Asian Games 2022 នៅទីក្រុង Hangzhou ប្រទេសចិន បានប្រារព្ធពិធីបើកជាផ្លូវ កាលពីរាត្រីថ្ងៃទី២៣ កញ្ញា និងបានបិទបញ្ចប់កាលពីរាត្រីថ្ងៃទី៨ តុលា ដោយមានវត្តមាន ៤៥ប្រទេស ក្នុងទ្វីបអាស៊ីចូលរួមក្នុងព្រឹត្តិការណ៍មួយនេះ។ សម្រាប់កម្ពុជាបានបញ្ជូនប្រតិភូកីឡាសរុប ១៨៩នាក់ ក្នុងនោះអត្ដពលិកចំនួន ១១៤នាក់ មាន ១៧ប្រភេទកីឡា៕