នៅព្រឹកថ្ងៃទី១៤ ខែតុលា ក្រុមជម្រើសជាតិកម្ពុជា បានចេញដំណើរទៅកាន់ទីក្រុងអ៊ីស្លាម៉ាបាត នៃប្រទេសប៉ាគីស្ថាន ដើម្បីចូលរួមការប្រកួតជើងទី២ វគ្គជម្រុះ FIFA WORLD CUP 2026 ជុំទី១ នៅថ្ងៃទី១៧ ខែតុលា ឆ្នាំ២០២៣។
ស្របពេលដែលកីឡាករ Privat Mbarga, ចាន់ វឌ្ឍនាកា, ទេស សម្បត្តិ, ស៊ិន សុវណ្ណមករា និង កាន់ ពិសាល ត្រូវបានលោក Félix Dalmás គ្រូបង្វឹកក្រុមជម្រើសជាតិកម្ពុជា ដកឈ្មោះចេញ។ ខណ:ខ្សែការពារ តាំង ប៊ុនឆៃ មានឈ្មោះទៅលេងជើងទី២។
សម្រាប់ជើងទី១ ក្រុមជម្រើសជាតិកម្ពុជា បានត្រឹមស្មើក្រុមភ្ញៀវប៉ាគីស្ថាន ក្នុងលទ្ធផល ០-០ នៃវគ្គជម្រុះជុំទី១ បាល់ទាត់ពិភពលោក FIFA World Cup 2026 ជើងទី១ នៅពហុកីឡដ្ឋានជាតិ (ស្តាតអូឡាំពិក) រាជធានីភ្នំពេញ។
ជើងទី២ ក្រុមជម្រើសជាតិប៉ាគីស្ថាន បើកទ្វារឲកីឡដ្ឋាន Islamabad Cricket Stadium ស្ថិតក្នុងទីក្រុង Islamabad ជាលើកដំបូង ក្រោយខកខានអស់រយ:ពេល៨ឆ្នាំ។
មូលហេតុដែលនាំឱ្យកីឡដ្ឋាន Islamabad Cricket Stadium របស់ប្រទេសប៉ាគីស្ថានត្រូវបិទទ្វារ ដោយសារប្រទេសនៅភាគខាងត្បូងមួយនេះ មានបញ្ហារសង្គ្រាម និងរឿងរ៉ាវជាច្រើននៅពីក្រោយខ្នង ជាហេតុនាំឱ្យក្រុមជម្រើសជាតិប៉ាគីស្ថាន ត្រូវយកកីឡដ្ឋានប្រទេសដទៃធ្វើជាម្ចាស់ផ្ទះ៕