គិតត្រឹមពេលនេះពានរង្វាន់ហ្វូតសាលជើងឯកតំបន់អាស៊ាន 2024 AFC Futsal Asian Cup បានរកឃើញក្រុមខ្លាំងចំនួន១៦ ក្រុម ឡើងទៅជុំបន្ត ក្រោយប្រកួតជំរុះក្នុងចំណោមក្រុមទាំង៣០មកពីប្រទេសនានា ដែលជាសមាជិកទី្វបអាស៊ី។
ក្រុមដែលឡើងទៅជុំបន្តទាំង១៦មាន៖ ថៃ (ម្ចាស់ផ្ទះ), ចិន, អាហ្វហ្គានីស្ថាន, អារ៉ាប៊ីសាអ៊ូឌីត, អ៊ីរ៉ង់, គីហ្ស៊ីស្ថាន, វៀតណាម, កូរ៉េខាងត្បូង, តាហ្ស៊ីគីស្ថាន, មីយ៉ាន់ម៉ា, គុយវ៉ែត, បារ៉ែន, អ៊ូបេគីស្ថាន, អ៊ីរ៉ាក់, ជប៉ុន, អូស្ត្រាលី។
បើនិយាយក្នុងតំបន់អាស៊ាន វិញមានតែ ថៃ វៀតណាម និងមីយ៉ាន់ម៉ា ប៉ុណ្ណោះ ដែលមានឈ្មោះឡើងទៅជុំបន្ត ស្របពេលដែលឡាវ ហ្វីលីពីន និងសិង្ហបុរី មិនចុះឈ្មោះចូលរួមប្រកួតជម្រុះនោះទេ។ សម្រាប់ក្រុមកម្ពុជា នៅបាតតារាងពូល G ក្រោយចាញ់ម្ចាស់ផ្ទះអ៊ូបេគីស្ថាន ៦-១ បន្តចាញ់អ៊ីរ៉ាក់ ៧-០ និងចុងក្រោយចាញ់ម៉ាឡេស៊ី ៥-២។
ចំណែកវគ្គចែកពូលជុំចុងក្រោយវិញ នឹងប្រកួតនៅអំឡុងខែមេសា ឆ្នាំ២០២៤ ខាងមុខក្នុងប្រទេសថៃ ហើយការចាប់ឆ្នោតបែងចែកពូលនឹងធ្វើឡើងនៅថ្ងៃទី១៤ ខែធ្នូឆ្នាំ២០២៣។ ពានរង្វាន់ហ្វូតសាលជើងឯកទ្វីបអាស៊ី AFC Futsal Asian Cup រៀបចំឡើងដំបូងពីឆ្នាំ១៩៩៩ បើគិតត្រឹមពេលនេះអ៊ីរ៉ង់ ឈ្នះជើងឯករហូតដល់ទៅ១២ដងច្រើនជាងគេ ខណៈជប៉ុន ធ្លាប់ឈ្នះបាន៤ដង ក្រៅពីនោះគ្មានប្រទេសណាធ្លាប់ឈ្នះជើងឯកម្តងណាឡើយ៕
