យ៉ាងហោចណាស់មានមនុស្ស៤នាក់ត្រូវបានសមត្ថកិច្ចឃាត់ខ្លួនខណៈដែលមេខ្លោងនិងបក្ខពួកមួយចំនួនទៀតគេចខ្លួនបាត់ក្រោយពីយកដុំថ្មីគប់ វាយទៅលើយុវជនម្នាក់បណ្តាលឲ្យរងរបួសនិងវាយកម្ទេចម៉ូតូមួយគ្រឿង នៅភូមិបាសិទ្ធ ឃុំម្កាក់ ស្រុកអង្គស្នួល ខេត្តកណ្តាលនៅ ថ្ងៃទី១៤ ខែតុលា ឆ្នាំ២០២៣។
ប្រភពពីសមត្ថកិច្ចបានឲ្យដឹងថា ជនរងគ្រោះនៅក្នុងសំណុំរឿងនេះរួមមាន៖
១.ជនរងគ្រោះឈ្មោះ សួន វិបុល ត្រូវរបួសគុម្ពត្រចៀកខាងស្តាំ ០១ដុំថ្ម បណ្តាលឱ្យហើម ត្រូវកំភួនដៃស្តាំ ០១ដុំថ្ម បណ្តាលឱ្យរលាត់ចេញឈាម និងខូចខាតម៉ូតូម៉ាក Honda Dream C125 ពណ៌ខ្មៅ ផលិតឆ្នាំ២០២២ ពាក់ផ្លាកលេខ ភ្នំពេញ 1GZ-5008 បែកកុងទ័រ បាក់ក្បាំងផ្នែកខាងស្តាំ និងដាច់កាតតាប៊ូខាងក្រោយ ។
២.ជនរងគ្រោះឈ្មោះ រុន សុខហេង មិនរងរបួសទេ តែខូចខាតម៉ូតូម៉ាក Nex ពណ៌ស-ខៀវ ផលិតឆ្នាំ២០១៩ ពាក់ផ្លាកលេខ កណ្តាល 1AB-1563 បែកកុងទ័រ បែកចង្កៀងខាងមុខ និងដាច់កាតតាប៊ូខាងមុខ ។
ចំណែកឯជនសង្ស័យមានគ្នា៨នាក់ ក្នុងនោះសមត្ថកិច្ចឃាត់ខ្លួនបាន៤នាក់។ជនសង្ស័យដែលសមត្ថកិច្ចឃាត់ខ្លួនបានរួមមាន៖
១.ឈ្មោះ ផាន ចន្ថា ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅភូមិត្រពាំងកំភ្លាញ ឃុំទួលព្រេជ ស្រុកអង្គស្នួល ខេត្ដកណ្ដាល ។
២.ឈ្មោះ ខន ចាន់មន្នី ភេទប្រុស អាយុ២៨ឆ្នាំ ជនជាតិខ្មែរ មុខរបរកម្មករ ស្នាក់នៅភូមិព្រៃសំរោង ឃុំទួលព្រេជ ស្រុកអង្គស្នួល ខេត្តកណ្ដាល ។
៣.ឈ្មោះ ឈិន ឈួន ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបឹងខ្នំ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។
៤.ឈ្មោះ កន កំសត់ ភេទប្រុស អាយុ១៧ឆ្នាំ ជនជាតិខ្មែរ មុខរបរកម្មករ ស្នាក់នៅភូមិបឹងខ្នំ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។
ជនសង្ស័យ៤នាក់ដែលបានគេចខ្លួនបាត់រួមមាន៖
១.ឈ្មោះ សឿន វណ្ណដេត ភេទប្រុស អាយុ២៨ឆ្នាំ ជនជាតិខ្មែរ មុខរបរកម្មករ ស្នាក់នៅភូមិត្រពាំងកំភ្លាញ ឃុំទួលព្រេជ ស្រុកអង្គស្នួល ខេត្តកណ្ដាល ។
២.ឈ្មោះ ឈិន ស៊ីថេត ភេទប្រុស អាយុ១៩ឆ្នាំ ជនជាតិ ខ្មែរ មុខរបរ កម្មករ ស្នាក់នៅ ភូមិរំលេច ឃុំទួលព្រេជ ស្រុកអង្គស្នួល ខេត្ត កណ្តាល ។
៣.ឈ្មោះ ភាព ភ័ស្ភ ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិចំបក់ធំ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។
៤.ឈ្មោះ ខេន សុខណាន ភេទប្រុស អាយុ ១៧ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅ ភូមិបឹងខ្នំ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។
យោងតាមកំណត់ហេតុពីសមត្ថកិច្ចបានឲ្យដឹងថា នៅថ្ងៃទីខែឆ្នាំវេលាម៉ោង កើតហេតុ ជនរងគ្រោះទាំង ០២នាក់ បានជិះម៉ូតូរបស់ខ្លួនម្នាក់ ០១គ្រឿង ចេញពីផ្ទះមិត្តភ័ក្ត្រ នៅភូមិជោទ្រាជ ឃុំម្កាក់ ស្រុកអង្គស្នួល ធ្វើដំណើរទៅលេងវត្តភ្នំបាសិទ្ធខាងត្បូង។ ពេលជិះឡើងលើភ្នំ បានពាក់កណ្តាលផ្លូវ ជនរងគ្រោះទាំង ០២នាក់ ក៏គិតថាស្ងាត់មិនសូវមានមនុស្សមកលេង ហើយក៏បបួលគ្នាជិះត្រឡប់មកក្រោមវិញ ភ្លាមនោះស្រាប់តែមានបក្ខពួកជនសង្ស័យបានរើសដុំថ្មគប់សំដៅទៅលើជនរងគ្រោះទាំង០២នាក់ បណ្តាលឱ្យត្រូវជនរងគ្រោះឈ្មោះ សួន វិបុល រងរបួស ហើយបក្ខពួកជនសង្ស័យផ្សេងទៀត បានទាញយកដំបងមែកឈើរត់សំដៅវាយទៅលើជនរងគ្រោះ តែជនរងគ្រោះបានផ្តួលម៉ូតូចោលហើយរត់រកឱ្យគេជួយ ។ ដោយបក្ខពួកជនសង្ស័យបានឃើញជនរងគ្រោះផ្តួលម៉ូតូចោល ក៏នាំគ្នាយកដុំថ្ម និងដំបងវាយទៅលើម៉ូតូជនរងគ្រោះ បណ្តាលឱ្យខូចខាតយ៉ាងដំណំ រួចគេចខ្លួនអស់បាត់ទៅ។
លុះដល់ព្រឹកថ្ងៃទី១៥.១០.២០២៣ ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលម្កាក់ ក្រោយពីទទួលបានពាក្យបណ្តឹងភ្លាម កម្លាំងប៉ុស្តិ៍ម្កាក់ និងកម្លាំងប៉ុស្តិ៍ទួលព្រេជ បានសហការជាមួយកម្លាំងផ្នែកជំនាញ នគរបាលយុត្តិធម៌ស្រុក បានចុះទៅដល់កន្លែងកេីតហេតុ ធ្វេីការស្រាវជ្រាវទើបកំណត់មុខសញ្ញាបាន តាមរកឃាត់ខ្លួនជនសង្ស័យ និងបក្ខពួកបានជាបន្តបន្ទាប់ បញ្ជូនមកកាន់អធិការដ្ឋាននគរបាលស្រុក សួរនាំបន្ត។
នៅចំពោះមុខសមត្ថកិច្ច ជនសង្ស័យ បានឆ្លេីយសារភាពថា ពួកខ្លួនពិតជាបានធ្វេីសកម្មភាព យកដំបងមែកឈើ និងយកដុំថ្មគប់ទៅលេីជនរងគ្រោះ និងវាយម៉ូតូរបស់ជនរងគ្រោះប្រាកដមែន មូលហេតុ ជនសង្ស័យ ឃេីញជនរងគ្រោះឌឺដងដាក់ខ្លួន។
ក្រោយឃាត់ខ្លួនជនសង្ស័យរួចមក សមត្ថកិច្ចបានរៀបចំកសាងសំណុំរឿងបញ្ជូនទៅតុលាការនិងបន្តស្វែងរកជនសង្ស័យដែលបានគេចខ្លួនយកមកទទួលខុសត្រូវនៅចំពោះមុខច្បាប់៕
អត្ថបទ៖តាខ្មៅ