សិល្បៈជាតិ៖ ស្រីស្អាត សំណាង អេលីណា កំពុងតែមមាញឹកយ៉ាងខ្លាំងនៅក្នុងការត្រៀមខ្លួនប្រកួតប្រជែងដណ្ដើមមកុដជូនជាតិនៅក្នុងការប្រកួត Miss International 2023 នាប្រទេសជប៉ុន។ យ៉ាងណាមិញមានអ្នកសង្កេតឃើញថា សំណាង អេលីណា ដូចជាមិនមានស្លៀកឈុតបែប សិចស៊ី បញ្ចេញសាច់ខ្ចីបង្អួតភ្នែកសាធារណជនទាល់តែសោះ។ ចំពោះរឿងនេះ ត្រូវបានអ្នកតាមដាន ពិសេសផេកគាំទ្រកម្មវិធីប្រកួតសម្រស់ដូចជា Universe Pageant បកស្រាយដូចថា៖
«មាន Fan សួរ Admin ថាមិចបាន Alyna Somnangស្លៀកពាក់ចូលរួមក្នុងកម្មវិធីប្រកួត Miss International 2023 មេីលទៅសាមញ្ញ តែCuteនិងសុភាពម៉េស ដូចជាគ្មានឈុត Sexy អីមួយសោះ។ តាមពិតទៅកម្មវិធីមួយនេះ គឺគេមិនផ្ដោតសំខាន់លេីការស្លៀកពាក់បែប Sexy ខ្លាំងពេកនោះទេ បេក្ខនារីភាគច្រេីនគឺស្លៀកពាក់បែបសុភាព មេីលទៅរម្យទមនិងថ្លៃថ្នូរ ណាមួយកម្មវិធីនេះគេឱ្យតម្លៃទៅលេីស្ដ្រីខ្លាំង ហេីយវាជាកម្មវិធីរបស់ប្រទេសជប៉ុន ដូច្នេះអ្នកទាំងអស់គួរតែដឹងហេីយថាវប្បធម៌របស់ជប៉ុនគឺការស្លៀកពាក់បែបមិច»
បន្ទាប់ពីការឆ្លើយតបពីអេដមីនផេក Universe Pageant រួចធ្វើឱ្យអ្នកដែលមានចម្ងល់ចំពោះរឿងនេះបានយល់ច្បាស់ពីលក្ខន្តិកៈ និងអស់មន្ទិលសង្ស័យជាបន្តទៀត។ បងប្អូនដែលស្រលាញ់និងគាំទ្របេក្ខនារីតំណាងឱ្យប្រទេសកម្ពុជា សូមកុំភ្លេចបោះឆ្នោតគាំទ្របេក្ខនារីរូបនេះ ដើម្បីឱ្យ សំណាង អេលីណា បានចូលទៅកាន់វគ្គ Top (កំពូល)ណាមួយនៃកម្មវិធីនេះ
គួរដឹងថាកម្មវិធី Miss International 2023 លើកទី ៦១ នឹងប្រកួតផ្ដាច់ព្រ័ត្រនៅថ្ងៃទី ២៦ ខែតុលា ឆ្នាំ២០២៣ នាកីឡដ្ឋានកាយសម្ព័ន្ធជាតិ Yoyogi Shibuya ទីក្រុង Tokyo៕