ថ្ងៃទី២៦ ខែតុលា ឆ្នាំ២០២៣ ក្រុមកីឡាបាល់ទះអង្គុយកម្ពុជានិងធ្វើការប្រកួត ទល់នឹងក្រុមបាល់ទះអង្គុយជប៉ុន ក្នុងព្រឹត្តិការណ៍កីឡាអាស៊ីប៉ារ៉ាហ្គេមលើកទីទី៤ នៅទីក្រុងហាន់ចូវប្រទេសចិន នៅវេលាម៉ោង១០:៣០នាទី ព្រឹក ម៉ោងនៅប្រទេសចិន ត្រូវជាម៉ោង៩:៣០នាទីព្រឹក ម៉ោងនៅប្រទេសកម្ពុជា។
លទ្ធផលប្រកួតកន្លងមករបស់ក្រុមបាល់ទះអង្គុយកម្ពុជា មានដូចខាងក្រោម៖
ប្រកួតថ្ងៃទី១៖ ចាញ់ក្រុមបាល់ទះអង្គុយកាហ្សាក់ស្ថាន ក្នុងលទ្ធផល ៣សិតទល់និង០ (២៥-១២, ២៥-២២, ២៥-១៦)
ប្រកួតថ្ងៃទី២៖ ឈ្នះក្រុមបាល់ទះអង្គុយថៃ ក្នុងលទ្ធផល ៣សិតទល់និង១ (២៥-១៩, ២៥-១៦, ២១-២៥, ២៥-២០)
ប្រកួតថ្ងៃទី៣៖ ចាញ់ក្រុមបាល់ទះអង្គុយអ៊ីរ៉ង់ ក្នុងលទ្ធផល ៣សិតទល់និង០ (២៥-១៤, ២៥-១៩, ២៥-១៥)
ដោយឡែកសម្រាប់នៅថ្ងៃទី២៦ តុលា ក្រុមបាល់ទះអង្គុយកម្ពុជា នឹងត្រូវជួបក្រុមបាល់ទះអង្គុយជប៉ុន ម៉ោង១០:៣០នាទីព្រឹកនេះ ខណ:ក្រុមបាល់ទះអង្គុយមីយ៉ាន់ម៉ា ជួប ក្រុមបាល់ទះអង្គុយថៃ ក្រុមដែលឈ្នះ នឹងជួបគ្នាដណ្ដើមយកចំណាត់ថ្នាក់លេខ៥។ ការប្រកួតធ្វើឡើងនៅសាល Linping Sports Centre Gymnasium ក្នុងព្រឹត្តិការណ៍ Asian Para Games លើកទី៤ នៅទីក្រុង Hangzhou ប្រទេសចិន។
បញ្ជាក់៖ ម៉ោងនៅទីក្រុង Hangzhou ប្រទេសចិន លឿនជាងកម្ពុជា ១ម៉ោង
ព្រឹត្តិការណ៍ Asian Para Games លើកទី៤ នៅទីក្រុង Hangzhou ប្រទេសចិន មានចំនួន ២២ប្រភេទកីឡា ស្មើនឹង ៥៦៦វិញ្ញាសា ដាក់ឲ្យបណ្តាប្រទេសក្នុងទ្វីបអាស៊ីប្រជែងមេដាយ ខណ:ការប្រកួតបានចាប់ផ្ដើមកាលពីថ្ងៃទី១៩ គ្រោងនឹងបញ្ចប់នៅថ្ងៃទី២៨ ខែតុលា ឆ្នាំ២០២៣៕