ខ្សែប្រយុទ្ធ ពាក់អាវលេខ១០ ផាន សុផេន របស់ព្រៃវែង និងខ្សែការពារ ពាក់អាវលេខ២០ ស៊ិន សុផាណាត់ របស់វិសាខា គឺជាកីឡាករខ្មែរ ដែលស្ថិតក្នុងបញ្ជីរទាត់បញ្ចូលទីគូប្រកួតច្រើនជាងគេ ក្នុងចំណោម១០រូប គិតត្រឹមបញ្ចប់សប្ដាហ៍ទី៨ នៃពានរង្វាន់ Cambodian Premier League រដូវកាលឆ្នាំ២០២៣-២៤។
ក្នុងនោះខ្សែប្រយុទ្ធ ផាន សុផេន របស់ព្រៃវែង រកបានចំនួន ៤គ្រាប់ ដោយស៊ុតបញ្ចូលទី ២គ្រាប់ក្នុងជំនួបឈ្នះ ISI ដង្កោសែនជ័យ ៥-០ នៅសប្ដាហ៍ទី២ និងស៊ុតបញ្ចូលទីបាន ២គ្រាប់ ក្នុងជំនួបឈ្នះអង្គរថាយហ្គឺរ ២-១ នៅសប្ដាហ៍ទី៦។
ដោយឡែកសម្រាប់ខ្សែការពារ ស៊ិន សុផាណាត់ របស់វិសាខា រកបានចំនួន ៣គ្រាប់ ដោយស៊ុតបញ្ចូលទី ១គ្រាប់ក្នុងជំនួបឈ្នះ គិរីវង់សុខសែនជ័យ ២-០ នៅសប្ដាហ៍ទី១ និងស៊ុតបញ្ចូលទី ១គ្រាប់ក្នុងជំនួនឈ្នះ ណាហ្គាវើលដ៍ ៤-១ នៅសប្ដាហ៍ទី២ និងស៊ុតបាន ១គ្រាប់ទៀត ក្នុងជំនួបឈ្នះ អង្គរថាយហ្គឺរ ២-១ នៅសប្ដាហ៍ទី៨។
បញ្ជីរឈ្មោះកីឡាករខ្មែរទាត់ចូលទីច្រើនជាងគេ គិតត្រឹមសប្ដាហ៍ទី៨៖
បញ្ចប់សប្ដាហ៍ទី៨ វិសាខា កំពុងឈរចំណាត់ថ្នាក់លេខ៣ ឆ្លងកាត់ ៨ប្រកួត ឈ្នះ៥ ចាញ់៣ រកបាន ១៦គ្រាប់ របូត ៦គ្រាប់ មាន ១៥ពិន្ទុ ខណ:ព្រៃវែង កំពុងឈរចំណាត់ថ្នាក់លេខ ៦ ឆ្លងកាត់ ៨ប្រកួត
ឈ្នះ៣ ស្មើ១ ចាញ់ ៤ រកបាន ១៨គ្រាប់ របូតវីញ ១៩គ្រាប់ មាន ១០ពិន្ទុ៕
កម្មវិធីប្រកួត លីគកំពូលកម្ពុជា Cambodian Premier League រដូវកាលឆ្នាំ២០២៣-២៤ សប្ដាហ៍ទី៩៖
