លោក Akihiro Kato ប្រធានក្លិបបាល់ទាត់អង្គរថាយហ្គឺរ បានបង្ហាញប្រតិកម្មនៅលើកបណ្ដាញសង្គមហ្វេសបុក នៅព្រឹកថ្ងៃទី៣០ តុលា នេះពីលទ្ធផលចំណាត់ថ្នាក់របស់ក្រុមខ្លួនកំពុងឈរនៅបាតតារាង លីគកំពូលកម្ពុជា ក្រុមបញ្ចប់ការប្រកួតវគ្គជម្រុះជុំទី១ កាលពីរាត្រីថ្ងៃទី ២៩ តុលា។
លោក Akihiro Kato បានសរសេររៀបរាប់នៅលើកទំព័រហ្វេសបុលរបស់លោកថា៖ «វាជាលើកដំបូងចាប់តាំងពីខ្ញុំគ្រប់គ្រង Tiger FC ដែលពួកយើងនៅបាតតារាង។ វាជារឿងសោកសៅណាស់ ប៉ុន្តែមានពេលខ្លះដែលជីវិត និងបាល់ទាត់មិនដំណើរការល្អ។ ការប្រយុទ្ធចាប់ផ្តើមឥឡូវនេះ វាច្បាស់ជានឹងឡើង។ ខ្ញុំចង់អោយអ្នកទាំងអស់គ្នាជួយខ្ញុំ»។
ក្លិបបាល់ទាត់អង្គរថាយហ្គឺរ ក្រោមការដឹកនាំរបស់លោក នី យុទ្ធ ជាគ្រូបង្គោល ( បណ្ដោះអាសន្ន) ឆ្លងកាត់ការប្រកួត ៩សប្ដាហ៍កន្លងមក ឈ្នះ ១ ស្មើ ១ និងចាញ់ ៧ ស៊ុតបាន ៧គ្រាប់ របូតគ្រាប់បាល់ ២០គ្រាប់ នៅបាតតារាងមាន ៤ពិន្ទុ។
លទ្ធផល ៩ប្រកួត កន្លងមករបស់ ក្លិបបាល់ទាត់អង្គរថាយហ្គឺរ មានដូចខាងក្រោម៖
ប្រកួតទី១៖ ចាញ់ ISI ដង្កោសែនជ័យ ១-០ កាលពីថ្ងៃទី៦ សីហា នៅកីឡាដ្ឋាន AIA KMH Park
ប្រកួតទី២៖ ចាញ់ បឹងកេត ៤-១ កាលពីថ្ងៃទី១៣ សីហា នៅពហុកីឡដ្ឋានជាតិ (អូឡាំពិក)
ប្រកួតទី៣៖ ឈ្នះគិរីវង់សុខសែនជ័យ ២-០ កាលពីថ្ងៃទី១៩ សីហា នៅកីឡដ្ឋាន ហនុមាន
ប្រកួតទី៤៖ ចាញ់ Tiffy Army ៣-០ កាលពីថ្ងៃទី២៧ សីហា នៅកីឡដ្ឋាន ហនុមាន
ប្រកួតទី៥៖ ចាញ់ ព្រះខ័នរាជស្វាយរៀង ៥-២ កាលពីថ្ងៃទី១៦ សីហា នៅកីឡដ្ឋាន ខេត្តស្វាយរៀង
ប្រកួតទី៦៖ ចាញ់ ព្រៃវែង ២-១ កាលពីថ្ងៃទី២៣ សីហា នៅកីឡដ្ឋាន ហនុមាន
ប្រកួតទី៧៖ ចាញ់ ភ្នំពេញក្រោន ៣-០ កាលពីថ្ងៃទី៣០ សីហា នៅកីឡដ្ឋាន ហនុមាន
ប្រកួតទី៨៖ ចាញ់ វិសាខា ២-១ កាលពីថ្ងៃទី២២ តុលា នៅកីឡដ្ឋាន ព្រីនស៍
ប្រកួតទី៩៖ ស្មើ ណាហ្គាវើលដ៍ ០-០ កាលពីថ្ងៃទី២៩ តុលា នៅកីឡដ្ឋាន ហនុមាន៕