នៅព្រឹកថ្ងៃទី៣១ ខែតុលា ឆ្នាំ២០២៣ នេះក្រុមហ៊ុនបាល់ទាត់លីគកម្ពុជា (CPL) សម្រេចមិនបន្ដកិច្ចសន្យាថ្មីជាមួយលោក Satoshi Saito ធ្វើជានាយកប្រតិបត្តិនៃក្រុមហ៊ុនគ្រប់គ្រងបាល់ទាត់ជាតិមួយនេះទៀតឡើយ ក្រោយចំណាយពេលលើទឹកដីកម្ពុជា អស់រយៈពេល ៧៤២ថ្ងៃ។
ភ្លាមៗនោះកីឡាករ Nick Taylor សមាជិករបស់ព្រះខ័នរាជស្វាយរៀង និងលោក សាប៊ូន វិនតា គ្រូបង្វឹកគិរីវង់សុខសែនជ័យ ថ្លែងលើគណនីហ្វេសប៊ុកដូចខាងក្រោម៖
សូមបញ្ជាក់ថា នាយកប្រតិបត្តិលីគកំពូលកម្ពុជា ជនជាតិជប៉ុន លោក Satoshi Saito បានមកដល់កម្ពុជា កាលពីខែតុលា ឆ្នាំ២០២១ កន្លងទៅហើយបានចាប់ផ្ដើមសម័យកាលកីឡាបាល់ទាត់កម្ពុជា ថ្មីមួយ ដោយមានឈ្មោះថា Cambodian Premier League បន្ទាប់ការផ្លាស់ប្តូឈ្នោះចាស់ Metofne Cambodian League។
កន្លងទៅក្រុមហ៊ុន Cambodian Premier League ធ្វើការគ្រប់គ្រងលើការប្រកួតធំៗក្នុងស្រុកចំនួន៤ គឺពានរង្វាន់លីគកំពូលកម្ពុជា ហៅថា Cambodian Premier League, លីគទី២ ហៅថា Cambodian League 2 ពានរង្វាន់ Cambodian League Cup និងពានរង្វាន់ Cambodian Super Cup។
យ៉ាងណាក្តីមហាជនរង់ចាំមើលថាក្រុមហ៊ុន Cambodian Premier League នឹងតែងតាំងបុគ្គលរូបណា ក្នុងតំណែងជានាយកប្រតិបត្តិជំនួសលោក Satoshi Saito ដើម្បីប្រជែង កិត្យានុភាពជាមួយប្រទេសនានាក្នុងតំបន់អាស៊ាននិងទ្វីបអាស៊ី?
