ខ្សែប្រយុទ្ធ Lionel Messi បានឈ្នះពាន Ballon d’Or លើកទី៨ របស់ខ្លួននៅក្នុងទីក្រុងប៉ារីស នៃប្រទេសបារាំង និងជាការឈ្នះច្រើនជាងគេបំផុតក្នុងប្រវត្តិសាស្រ្តបាល់ទាត់ រាប់ចាប់តាំងឆ្នាំ១៩៥៦ ពោលគឺនៅពេលពានរង្វាន់ Ballon d’or ត្រូវបានបង្កើតឡើងដំបូងមកម្ល៉េះ។
តារាឆ្នើមអាហ្សង់ទីនបានបំបាក់កីឡាករជើងខ្លាំង២រូបផ្សេងទៀតដូចជាខ្សែប្រយុទ្ធ Erling Haaland របស់ក្រុម Man City ឈរលេខរៀងទី២ និង Kylian Mbappe របស់ PSG ឈរលេខរៀងទី៣។
គួរបញ្ជាក់ផងដែរថា Lionel Messi ធ្លាប់ឈ្នះ Ballon d’Or ៧លើករួចមកហើយគឺកាលឆ្នាំ ២០០៩,២០១០,២០១១,២០១២,២០១៥, ២០១៩ និងចុងក្រោយលើកទី៨ នៅយប់ថ្ងៃទី៣០ ឈានចូលព្រឹកថ្ងៃទី៣១ ខែតុលា ឆ្នាំ២០២៣ ខណ: Ronaldo បានឈ្នះពានរង្វាន់នេះនៅឆ្នាំ ២០០៨,២០១៣,២០១៤,២០១៦ និង ២០១៧ ចំនួន៥លើកតែប៉ុណ្ណោះ។
ស្នាដៃរបស់ Messi ធ្វើបាននៅក្នុងរដូវកាល ២០២២-២០២៣ គឺជួយឱ្យក្រុមជម្រើសជាតិអាហ្សង់ទីន ឈ្នះពានរង្វាន់ FIFA World Cup ឆ្នាំ២០២២ នៅប្រទេសកាតា ជាលើកទី៣ ក្នុងប្រវត្តិសាស្ត្រខ្លួន និងជាលើកដំបូងក្នុងរយៈពេល ៣៦ឆ្នាំចាប់តាំងពីឆ្នាំ ១៩៨៦ មកដែលពួកគេបានឈ្នះលើកចុងក្រោយ និងឈ្នះលើកដំបូងនៅឆ្នាំ ១៩៧៨៕
ខាងក្រោមនេះគឺជាបញ្ជីឈ្មោះកីឡាករដែលធ្លាប់ឈ្នះពានរង្វាន់ Ballon d’Or គិតចាប់តាំងពីឆ្នាំ ២០០៩៖