ពានរង្វាន់បាល់ទះសម្តេចក្រឡាហោម ស ខេង ឆ្នាំ២០២៣ បានចាប់ផ្ដើមប្រកួតនៅថ្ងៃនេះចាប់ពីម៉ោង ៨ព្រឹកតទៅ ដែលក្នុងនោះមានចំនួន ៧គូ។ ដូចនេះសម្រាប់ប្រិយមិត្តអ្នកស្នេហាវិស័យកីឡាបាល់ទះអាចចូលរួមទស្សនាផ្ទាល់ដោយ ទីតាំងនៅសាលវិមាននៃពហុកីឡដ្ឋានជាតិ អូឡាំពិក។
កាលវិភាគ សម្រាប់កម្មវិធី ពានរង្វាន់កីឡាបាល់ទះ សម្ដេចក្រឡាហោម ស ខេង ឆ្នាំ២០២៣ ថ្ងៃទី០៩ ខែវិច្ឆិកា ឆ្នាំ២០២៣៖
ព្រឹត្តិការណ៍ប្រកួតពានរង្វាន់បាល់ទះសម្តេចក្រឡាហោម ស ខេង ឆ្នាំ២០២៣ មានក្រុមចូលរួមសរុបចំនួន ២៩ក្រុមមកពីទូទាំងរាជធានី-ខេត្តនៃប្រទេសកម្ពុជា ដើម្បីដណ្ដើមជើងឯកប្រចាំឆ្នាំ។ ខណ:ការប្រកួតចាប់ផ្ដើមពីថ្ងៃទី៩ ដល់ថ្ងៃទី១៩ ខែវិច្ឆិកា ឆ្នាំ២០២៣។
សូមបញ្ជាក់ថា សម្រាប់ពានរង្វាន់បាល់ទះសម្តេចក្រឡាហោម ស ខេង ឆ្នាំ២០២២ កន្លងទៅមានក្រុមចូលរួមចំនួន២១ ដោយ បែងចែកជា ៤ពូលផ្សេងគ្នាក្រុមបាល់ទះ វិសាខា B បានក្លាយជាម្ចាស់ជើងឯក ក្រោយយកឈ្នះលើក្រុមរដ្ឋបាល រាជធានីភ្នំពេញ B ដោយលទ្ធផល ៣សិត ទល់២សិត (២៧-២៩, ២៥-២៣, ២៦-២៤,១៧-២៥, ១១-១៥) ក្នុងវគ្គផ្ដាច់ព្រ័ត្រ ក្នុងសាលបាល់ទះ ព្រីនស៍ ក្នុងរាជធានីភ្នំពេញ៕
