សិល្បៈជាតិ៖ អតីត Miss Universe Cambodia ឆ្នាំ ២០២១ បានចេញមកបោះសម្ដីតាមរយៈគណនីរបស់ខ្លួនថា បើ ចន សុទិម៉ា មិនបានចូល Top កញ្ញា នឹងឈប់តាមដានកម្មវិធីនោះជាបន្តទៀត។
កាលពីថ្ងៃទី៩ ខែវិច្ឆិកា ឆ្នាំ២០២៣ ក្នុងឋានៈជាពលរដ្ឋខ្មែរផង និងក្នុងនាមជារាមច្បងដែលធ្លាប់ប្រឡូកក្នុងវេទិកាប្រកួតដ៏ធំ Miss Universe កញ្ញា រ៉េត សារីតា បានប្រើសម្ដីធ្ងន់ៗថា «សុំកក់ហើយ បើប៉ុណ្ណេះមិន Top ទៀត ខ្ញុំប្រហែលជាឈប់មើលមែនទែនហើយ» ដែលពាក្យសម្ដីខ្លីខ្លឹម មានន័យគ្រប់គ្រាន់នេះ បានសបង្ហាញពីការគាំទ្រ និងមានជំនឿចិត្តខ្ពស់ ចំពោះសមត្ថភាពរបស់កញ្ញា ចន សុទិម៉ា បេក្ខភាព Miss Universe Cambodia ឆ្នាំ២០២៣ ដែលកំពុងតែជាប់ដៃប្រកួតយ៉ាងមមាញឹកជាមួយនឹងបេក្ខភាពមកពីបណ្ដាប្រទេសផ្សេងៗទៀត។
តាមរយៈសមត្ថភាព រូបសម្រស់ និងចំណេះដឹងរបស់ ចន សុទិម៉ា អ្នកគាំទ្រមួយភាគធំបានដាក់ក្ដីរំពឹងខ្ពស់ ព្រោះមិនមែនត្រឹមតែអ្នកគាំទ្រជាតិសាសន៍ខ្មែរនោះទេ ដែលសម្លឹងឃើញពីភាពលេចធ្លោនៃបេក្ខនារីដ៏ស្រស់សោភានេះ សូម្បីតែផេកគាំទ្រ និងអ្នកជំនាញជាច្រើនក៏បានផ្ដោតការចាប់អារម្មណ៍ជាពិសេសលើសុទិម៉ាដែរ ខណៈដែលផេក MU ខ្លួនឯងឆ្នាំនេះ ក៏ឧស្សាហ៍បង្ហោះរូបភាពរបស់ សុទិម៉ា នៅក្នុងសកម្មភាពនិងឥរិយាបទផ្សេងៗគ្នាជាច្រើនផងដែរ ខណៈដែលកាលពីមុន ផេកធំ MU មិនសូវជាផ្ដោតការបង្ហោះលើបេក្ខនារីតំណាងឱ្យប្រទេសកម្ពុជានោះឡើយ។
បើយោងតាមការព្យាករណ៍ជាច្រើន ចន សុទិម៉ា មានឱកាសច្រើនហក់ឡើងទៅដល់លំដាប់ Top ជាប្រវត្តិសាស្ត្រ តែបើសិនជាកម្មវិធីមានភាពលម្អៀង ឬមិនផ្ដល់នូវលទ្ធផលយុត្តិធម៌ទេនោះ ឱកាសរបស់ សុទិម៉ា ក៏ទៅតាមនោះដែរ។
គួររំលឹកឡើងវិញថា រ៉េត សារីតា គឺជាបេក្ខភាព Miss Universe Cambodia ឆ្នាំ២០២៣ កញ្ញាបានចេញទៅប្រកួតតំណាងប្រទេសកម្ពុជា នៅប្រទេសអ៊ីស្រាអែល ដោយនៅក្នុងឆ្នាំ ម្ចាស់មកុដ Miss Universe អន្តរជាតិបានទៅលើកញ្ញា Harnaaz Kaur Sandhu ដែលជាអ្នកម៉ូដែលនិងតារាសម្ដែងជនជាតិ ឥណ្ឌា៕