ពានរង្វាន់សម្តេចអគ្គមហាសេនាបតីតេជោ ហ៊ុន សែន (Hun Sen Cup) ថ្នាក់ខេត្ត លើកទី១៧ ឆ្នាំ ២០២៣-២០២៤ បានបញ្ចប់វគ្គពាក់កណ្តាលផ្តាច់ព្រ័ត្រ ជើងទី១ កាលពីថ្ងៃអង្គារ ទី១៤ ខែវិច្ឆិកា ដោយខេត្តកំពង់ចាម ឈ្នះកំពង់ធំ ខណ:ត្បូងឃ្មុំ ឈ្នះបន្ទាយមានជ័យ។
ដោយឡែកឆ្លងកាត់ការប្រកួតកន្លងមកមុនឈានដល់វគ្គពាក់កណ្ដាលផ្ដាច់ព្រ័ត្រនេះ មានតែក្រុមមន្ទីរ អយក ខេត្តត្បូងឃ្មុំ មួយប៉ុណ្ណោះ ដែលជាក្រុមមិនទាន់ស្គាល់បរាជ័យ គិតចាប់ពីប្រកួតវគ្គជម្រុះក្នុងពូល B មក។
ក្នុងនោះសម្រាប់លទ្ធផលប្រកួតរបស់ ខេត្តត្បូងឃ្មុំមានដូចខាងក្រោ៖
- ប្រកួតទី១៖ ឈ្នះមន្ទីរ អយក ខេត្តកំពង់ចាម ១-០ កាលពីថ្ងៃទី២៩ មីនា នៅទីលានវិទ្យាល័យព្រះសីហនុ
- ប្រកួតទី២៖ ឈ្នះខេត្តស្វាយរៀង ៥-១ កាលពីថ្ងៃទី២៤ ឧសភា នៅទីលានវិទ្យាល័យ ហ៊ុន សែន មេមត
- ប្រកួតទី៣៖ ឈ្នះខេត្តកណ្ដាល ៥-១ កាលពីថ្ងៃទី៧ មិថុនា នៅទីលានវិទ្យាល័យទេពប្រណម្យ
- ប្រកួតទី៤៖ ឈ្នះមន្ទីរ អយក ខេត្តកំពងឆ្នាំង ៤-៣ កាលពីថ្ងៃទី២១ មិថុនា នៅទីលានវិទ្យាល័យ ហ៊ុន សែន មេមត់
- ប្រកួតទី៥៖ ឈ្នះមន្ទីរ អយក ខេត្តកំពងចាម ១-០ កាលពីថ្ងៃទី៥ កក្កដា នៅទីលានវិទ្យាល័យ ហ៊ុន សែន មេមត់
- ប្រកួតទី៦៖ ឈ្នះខេត្តស្វាយរៀង ៥-១ កាលពីថ្ងៃទី២ សីហា នៅទីលានវិទ្យាល័យ ហ៊ុន សែន មេមត់
- ប្រកួតទី៧៖ ឈ្នះខេត្តកណ្ដាល ៥-២ កាលពីថ្ងៃទី១៦ សីហា នៅទីលានវិទ្យាល័យ ហ៊ុន សែន មេមត់
- ប្រកួតទី៨៖ ស្មើជាមួយមន្ទីរ អយក ខេត្តកំពងឆ្នាំង ១-១ កាលពីថ្ងៃទី២៩ សីហា នៅទីលានវិទ្យាល័យ កំពង់ត្រឡាច
- វគ្គ ៨ក្រុម៖ អយក ខេត្តត្បូងឃ្មុំ ៣-១ ខេត្តព្រះសីហនុ ជើងទី១ (២-២) លទ្ធផលទាំង២ ជើង ៥-៣
លទ្ធផវគ្គពាក់កណ្តាលផ្តាច់ព្រ័ត្រជើងទី១៖
មន្ទីរ អយក ខេត្តកំពង់ចាម ១-០ ក្លិបបាល់ទាត់សន្តិភាព ខេត្តកំពង់ធំ ទីលានវិទ្យាល័យព្រះសីហនុ
មន្ទីរ អយក ខេត្តត្បូងឃ្មុំ ៤-១ ខេត្តបន្ទាយមានជ័យ ទីលានវិទ្យាល័យប៊ុនរ៉ានី ហ៊ុន សែន មេមត់។
កម្មវិធីប្រកួតជើងទី២៖
ក្លិបបាល់ទាត់សន្តិភាព ខេត្តកំពង់ធំ ប៉ះ មន្ទីរ អយក ខេត្តកំពង់ចាម ថ្ងៃទី១៩ ខែវិច្ឆិកា ឆ្នាំ២០២៣
ខេត្តបន្ទាយមានជ័យ ប៉ះ មន្ទីរ អយក ខេត្តត្បូងឃ្មុំ ថ្ងៃទី១៩ ខែវិច្ឆិកា ឆ្នាំ២០២៣៕
