កីឡាករបាល់ទាត់ Eldor Shomurodov វ័យ២៦ឆ្នាំ ខ្សែប្រយុទ្ធក្នុងក្រុមជម្រើសជាតិអ៊ូបេគីស្ថាន បានចុះកុងត្រាចូលរួមក្នុងក្លិបបាល់ទាត់ AS Roma ក្នុងលីគកំពូលប្រទេសអ៊ីតាលី Serie A ក្នុងតម្លៃខ្លួន ១៧.៥លានអឺរ៉ូ ប្រមាណ២០លានដុល្លារអាមេរិក និងបូកពីលើ ២.៥លានអឺរ៉ូ ថែមទៀត។
កីឡាករ Eldor Shomurodov បានចុះកិច្ចសន្យារយៈពេល៥ឆ្នាំជាមួយក្លិបជើងឯកលីគកំពូលអ៊ីតាលី ៣សម័យកាលមួយនេះ រហូតដល់ថ្ងៃទី២០ ខែមិថុនា ឆ្នាំ២០២៦ ខាងមុខ ក្រោយចាកចេញពីក្រុម Genoaបន្ទាប់ពីចូលរួមក្នុងខែតុលា កន្លងទៅ។
🇺🇿🐺✍️
— AS Roma English (@ASRomaEN) August 2, 2021
🆕 Welcome to AS Roma, Eldor Shomurodov!
As part of our summer transfer announcements, we are proud to continue supporting national charities as they strive to raise awareness about missing children all around the world. ❤️ pic.twitter.com/VfksCjvOqG
ពេលនេះកីឡាករកម្ពុជា១.៩០ម៉ែត្រ រូបនេះបានធ្វើដំណើរទៅកាន់ប្រទេសព័រទុយហ្គាល់ ដែលជាកន្លែងដែលក្រុម AS Roma កំពុងតែហ្វឹកហាត់ Pre-Season ក្រោមការដឹកនាំពីសំណាក់អ្នកចាត់ការទូទៅក្រុម José Mourinho។
កីឡាករ Eldor Shomurodov ធ្លាប់បង្ហាញខ្លួនឱ្យក្រុមជម្រើសជាតិអ៊ូប៊ែគីស្ថាន តាំងពីក្រុមយុវជន U19 ដល់ឈុតធំ ហើយធ្លាប់រកបានគ្រាប់បាល់បាន២១គ្រាប់ផងដែរ។ រូបគេបានចូលលេងក្នុងក្រុម Mash’al Mubarek នៅស្រុកកំណើតពីឆ្នាំ២០១៤ ហើយពីឆ្នាំ២០១៥ ដល់២០១៧ គេបានបន្តទៅចូលរួមក្រុម Bunyodkor និងពីឆ្នាំ២០១៧ ដល់២០២១ ចូលរួមក្រុម Rostov នៅរុស្ស៊ី មុនចេញទៅក្រុម Genoa៕