ក្រោយយកឈ្នះក្រុម Dynamic Herb Cebu Fc របស់ហ្វីលីពីន ក្នុងប្រកួតទី៥ ដោយលទ្ធផល ៤-០ ក្នុងពហុកីឡដ្ឋានជាតិ វគ្គជម្រុះពូល F កីឡាករ Shintaro Shimizu របស់ភ្នំពេញក្រោន បន្តក្ដីសង្ឃឹមជាម្ចាស់ស្បែកជើងមាស នៃពានរង្វាន់ AFC Cup ឆ្នាំ២០២៣-២៤។
ខ្សែប្រយុទ្ធជនជាតិជប៉ុនម្នាក់នេះតែងតែរកគ្រាប់បាល់ឱ្យភ្នំពេញក្រោនក្នុងការប្រកួតកន្លងមក ដោយប្រកួតទី១ រកបាន ១គ្រាប់ ប្រកួតទី២ រកបាន ៣គ្រាប់ ប្រកួតទី៣ រកបាន ២គ្រាប់ និងប្រកួតទី៥ រកបាន ១គ្រាប់ថែមទៀត។
ខាងក្រោមនេះគឺលទ្ធផលសរុបរបស់ «ភ្នំពេញក្រោន» ក្នុងពូល F៖
- ប្រកួតទី១ យកឈ្នះក្រុម Dynamic Herb Cebu របស់ហ្វីលីពីន ៣ទល់និង០ កាលពីរាត្រីថ្ងៃទី២១ ខែកញ្ញា នៅកីឡដ្ឋាន Rizal Memorial នៅប្រទេសហ្វីលីពីន
- ប្រកួតទី២ យកឈ្នះ Shan United របស់មីយ៉ាន់ម៉ា ៤-០ កាលពីរាត្រីថ្ងៃទី៥ ខែតុលា នៅកីឡដ្ឋានជាតិ (ស្តាតអូឡាំពិក)
- ប្រកួតទី៣ យកឈ្នះក្រុមខ្លាំងអូស្រ្តាលី Macarthur FC ៣-០ កាលពីរាត្រីថ្ងៃទី២៦ ខែតុលា នៅកីឡដ្ឋានជាតិ (ស្តាតអូឡាំពិក)
- ប្រកួតទី៤ ចាញ់ Macarthur FC របស់អូស្រ្តាលី ៥-០ នៅកីឡដ្ឋាន Campbelltown Sports
- ប្រកួតទី៥ ត្រៀម យកឈ្នះ Cebu របស់ហ្វីលីពីន ៤-០ នៅពហុកីឡដ្ឋានជាតិ ប្រកួតទី៦ ត្រៀមប៉ះ Shan United របស់មីយ៉ាន់ម៉ា នៅកីឡដ្ឋាន Taunggyi
សូមជម្រាបថា ក្រុមភ្នំពេញក្រោន តំណាងកម្ពុជា នឹងបន្តជួប Shan United FC របស់មីយ៉ាន់ម៉ា ប្រកួតទី៦ នៅថ្ងៃទី១៤ ខែធ្នូ ឆ្នាំ២០២៣ ធ្វើឡើនៅក្នុងកីឡដ្ឋានTHUWUNNA STADIUM ស្ថិតក្នុង YANGON ប្រទេសមីយ៉ាន់ម៉ា៕