នៅក្នុងកម្មវិធី Concert Engfa Live in Cambodia លោកស្រី អ៊ឹម សុគន្ធា ដែលជានាយកគ្រប់គ្រងកម្មវិធី Miss Grand Cambodia បានផ្ដល់ឱកាសឱ្យអ្នកសារព័ត៌មានពីគ្រប់ស្ថាប័នសំណេះសំណាលនិងសាកសួរទៅលើមតិលើកឡើងជុំវិញកម្មវិធី Miss Grand Cambodia 2024 ដែលនឹងចាប់ផ្ដើមបើកទទួលពាក្យនៅដើមឆ្នាំក្រោយ ដោយគ្រាន់តែបញ្ចេញមុខរបស់ PD តាមបណ្ដាខេត្តនីមួយៗ ផ្ទុះបានការចាប់អារម្មណ៍ខ្លាំង ព្រោះតែ PD មានសម្រស់ស្អាតៗ កម្រិត Miss grand ឬអាចប្រដូចទៅនឹងសម្រស់ទេពអប្សរ ទើបលេចឡើងជាមតិថា តើកម្មវិធីតម្រូវយកតែស្រីស្រស់ស្អាតទើបប្រគល់សិទ្ធិ PD ឱ្យយ៉ាងឬណា?
នៅក្នុងវេលានោះដែរ Madam បានប្រកាសបើកភ្លើងខៀវស្វាគមន៍គ្រប់បេក្ខភាពទាំងអស់ ថែមទាំងឆ្លៀតបង្ហើបប្រាប់អនាគតបេក្ខភាព តើត្រូវត្រៀមលក្ខណៈសម្បត្តិបែបណាខ្លះផងដែរ។
ក្នុងនាមជាអ្នកឧបត្ថម្ភធំនៃកម្មវិធី Concert Engfa Live in Cambodia នាយកគ្រប់គ្រងកម្មវិធី Miss Grand Cambodia Madam អ៊ឹម សុគន្ធា បានបង្ហាញពីចេតនាចំបងនៅក្នុងការឧបត្ថម្ភធំកម្មវិធី Concert នេះថា ក្រៅតែពីផ្សព្វផ្សាយពីផលិតផល HK7 របស់ខ្លួនហើយនោះ Madam មានគោលដៅបើកឱកាសឱ្យបវរកញ្ញាកម្ពុជាដូចជា ពេជ្រ វត្តីសារ៉ាវឌ្ឍី ដែលមានដុងសិល្បៈពេញខ្លួន បាន ប្រឡូកផ្នែកចម្រៀងជាមួយតារាស្រុកគេ ដើម្បីក្រេបជញ្ជក់យកបទពិសោធន៍ពីគេបន្ថែម។ យ៉ាងណាមិញការរួមការងារជាមួយនឹងតារាស្រុកគេលើកនេះ Madam ទទួលស្គាល់ថាទទួលបានលទ្ធផលល្អគាប់ប្រសើរ ព្រោះធ្វើឱ្យផលិតផល HK7 កាន់តែមានការទទួលស្គាល់និងទំនុកចិត្តពីអ្នកប្រើប្រាស់។
សូមជម្រាបជូនថា កម្មវិធី Miss Grand Cambodia 2024 ក្រោមការគ្រប់គ្រងដោយ Madam អ៊ឹម សុគន្ធា ស្ត្រីដែលឆ្នើមទាំងគ្រប់គ្រងមុខជំនួញ និងវិស័យប្រកួតសម្រស់ បានបិទបញ្ចប់ការជ្រើសរើស PD តាមបណ្ដាខេត្តជាស្ថាពរហើយ ខណៈនៅថ្ងៃទី៩ ឬទី១០ ខែធ្នូ ខាងមុខនេះ នឹងមានរៀបចំកម្មវិធីសន្និសីទសារព័ត៌មានធំមួយដើម្បីចុះ MOU ជាមួយនឹង PD នៅតាមបណ្ដាខេត្តរបស់ខ្លួន៕
សូមទស្សនាវីដេអូលម្អិតខាងក្រោមនេះ៖