អ្នកលេងបណ្ដាញសង្គមហ្វេសបុកជាច្រើនពិសេសអ្នកនិយមតាមដានការប្រកួតកីឡាអេឡិចត្រូនិក ទាំអក្នុងស្រុកក៏ដូចជាថ្មីៗនេះក្នុងការប្រកួតព្រឹត្តិការណ៍លំដាប់ពិភពលោក M5 World Championship 2023 នៅប្រទេសហ្វីលិពី ពិតជាបានស្គាល់ Ic3_fr0Gz មានឈ្មោះពិតថា អ៊ូ សុខវឌ្ឍនៈវិជ្ជា ដែលជាអ្នកឡាយហ្គេមដ៏មានប្រជាប្រិយភាពនៅលើបណ្ដាញសង្គមហ្វេសបុកនាពេលបច្ចុប្បន្ន។
បន្ទាប់ពីបង្ហាញទេពកោសល្យនៅលើកឆាកអត្តរជាតិ ថ្មីៗនេះក្រុមហ៊ុន Moonton ដែលជាអ្នករៀបចំព្រឹត្តិការណ៍ដ៏នេះបានផ្ដល់ពានរង្វាន់ The Greatest Improved Talent Award ដល់អ្នកអធិប្បាយហ្គេម (Caster) ដែលពោពេញទៅដោយចំណេះដឹង ក៏ដូចជាពូកែវោហារស័ព្ទមួយរូបដែលតែលេចមុនក្នុងកម្មវិធីប្រកួតហ្គេមធំៗជាច្រើននៅខ្មែរនាពេលកន្លងមក។
ជុំវិញការទទួលបានពានរង្វាន់នេះដែរ សុខវឌ្ឍនៈវិជ្ជា បានបង្ហាញចំណាប់អារម្មណ៍ថា៖«សូមអរគុណអ្នកគ្រប់គ្នាសម្រាប់ការគាំទ្រចំពោះខ្ញុំតាំងពីឆ្នាំ២០១១មក ក៏ដូចជាក្រុមហ៊ុន Moonton និង English Casters ក្នុងកម្មវិធី MSC ជាមួយខ្ញុំ។ ការឈ្នះរង្វាន់នេះ គឺជាជំហានដ៏ខ្ពស់បំផុតរបស់ខ្ញុំដែលខ្ញុំទទួលបាននៅថ្ងៃនេ»។
លោកបន្តថា៖ «ខ្ញុំបានព្យាយាមបង្ហាញភាពដ៏អស្ចារ្យដើម្បីធ្វើឱ្យអ្នកគាំទ្រភ្ញាក់ផ្អើល ហើយមិននឹកស្មានដល់ថាថ្ងៃនេះខ្ញុំសប្បាយចិត្តរហូតដល់យំ ហើយរកពាក្យអ្វីទៀតដើម្បីពណ៌នាពីអារម្មណ៍នេះ។ យើងទាំងអស់គ្នាមានក្តីសុបិនដូចគ្នា ហើយខ្ញុំក៏សង្ឃឹមថារឿងនេះនឹងទៅដល់មនុស្សគ្រប់គ្នាផងដែរ។ “ការខិតខំធ្វើការជារៀងរហូត” ជាអ្វីដែលខ្ញុំតែងតែប្រាប់ខ្លួនឯងតាំងពីថ្ងៃដែលខ្ញុំចូលរួមក្នុងវិស័យ E-Sport»។
សូមបញ្ជាក់ដែរថាក្រៅពី Ic3_fr0Gz ក៏មានលោក Mann Hongly ដែលជាអ្នកតំណាងឲ្យ Team2 ហើយក៏ជា Next Level Entertainment Project Manager ដូចគ្នានេះដែល Team 2 ទទួលបាន Award “The Greatest Social Impact” Team 2 និង Next Level Entertainment ជាអ្នក នៅពីក្រោយការសរសេររឿង ជីកកកាយនៃសាច់រឿងរបស់ កីឡាករជាតិ Para Games យើងផ្ទាល់នេះឯង។
អ៊ូ សុខវឌ្ឍនៈវិជ្ជា ចាប់ផ្ដើមប្រឡូកចូលក្នុងវិស័យ E-Sport តាំងពីឆ្នាំ២០១១ និងជា Caster មូយរូប មករហូតបានធ្វើឲ្យលោកក្លាយជា Streamer នៅអំឡុងឆ្នាំ ២០១៨ នឹងមានអ្នកស្គាល់កាន់តែច្រើនឡើងៗ។ កន្លងមកលោក សុខវឌ្ឍនៈវិជ្ជា ក៏ធ្លាប់ចូលរួមប្រកួតវិញ្ញាសារ E-Sport កាលពីឆ្នាំ ២០១១ ក្នុងវិញ្ញាសារ DOTA 1: GEST CAMBODI និង អ្នកអធិប្បាយហ្គេម កម្មវិធីប្រកួតកីឡាអេឡិច ត្រូនិកធំៗ ទាំងក្នុងនិងក្រៅប្រទេសជាច្រើនផងដែរ៕