ថ្មីៗនេះអ្នកគាំទ្របានប្រមូលផ្ដុំរូបថតស្នាមសាក់ចំនួន៥ប្លែកៗគ្នារបស់ Jongkook សមាជិក BTS ព្រមទាំងបង្ហាញពីអត្ថន័យដ៏ជ្រាលជ្រៅនៃស្នាមសាក់និមួយៗរបស់បុរសសង្ហារូបនេះដែលអ្នកណាបានដឹងហើយកាន់តែលង់ស្រលាញ់ Idol ម្នាក់នេះខ្លាំងថែមទៀត។
សូមចុចអាន តារាចម្រៀងស្រីកូរ៉េ Baek Yerin ការពារស្នាមសាក់លើដងខ្លួន ឆ្លើយទៅអ្នកស្អប់វិញយ៉ាងឆ្ងាញ់
ប៉ុន្មានឆ្នាំកន្លងមកនេះ Jongkook មានស្នាមសាក់មិនតិចជាង១០នោះទេនៅលើដៃខាងស្ដាំរបស់គេ ដោយស្នាមសាក់នីមួយៗរបស់គេ សុទ្ធតែមានន័យបង្កប់ទាំងអស់។
១. ខ្លា
Jongkook សាក់បន្ថែមរូបខ្លាចំកោងខ្លួនដែលស្នាមសាក់នេះមានលក្ខណៈពិសេសពាក់ព័ន្ធនឹងវប្បធម៌របស់ប្រទេសកូរ៉េ។ ស្នាមសាក់រូបខ្លាដែល Jongkook ចម្លងតាមគឺមានរូបដូចទៅនឹងសណ្ឋានរូបរាងប្រទេសកូរ៉េ ដែលប្រៀបដូចជាសត្វខ្លាចំកោងខ្លួន។ ប្រទេសកូរ៉េធ្លាប់ជាទីកន្លែងដែលមានសត្វខ្លាច្រើនជាងគេបំផុត ហើយត្រូវបានគេប្រសិទ្ធនាមឱ្យថា «ទឹកដីនៃសត្វខ្លា» ខ្លាគឺជាសត្វដែលស្ថិតក្នុងដំណាលនិងសិល្បៈរបស់ប្រទេសកូរ៉េ
២. អក្សរភ្លេង
Jongkook បន្ថែមអក្សរភ្លេងលើដៃបន្ទាប់ពីស្នាមសាក់ដែលសរសេរអក្សរថា «rather be dead than cool» និង «may hay while the shines»។ រូបស្នាមសាក់អក្សរភ្លេងនេះជាអត្តសញ្ញាណផ្នែកតន្ត្រីដែលអាចមើលឃើញលើឧបករណ៍តន្ត្រី កម្មវិធីសិល្បៈ ដូចជានៅលើ ព្យ៉ាណូ អក្សរភ្លេងគឺជាឧបករណ៍សំខាន់ក្នុងការកំណត់លំដាប់សំឡេងក្នុងការប្រើប្រាស់របស់តន្ត្រី ឬសំឡេងច្រៀងដែលមានលំដាប់ចាប់ពីកណ្ដាលរហូតដល់ខ្ពស់។ ជាទូទៅ Jongkook តែងតែច្រៀងសំឡេងខ្ពស់សម្រាប់បទចម្រៀងរបស់ BTS ។ សម្រាប់ស្នាមសាក់អក្សរភ្លេងនេះបានបង្ហាញវត្តមានទល់មុខនឹងស្នាមសាក់ថ្មីមួយទៀតរបស់គេគឺរូបម៉េក្រូហ្វូន ដូច្នេះអាចនិយាយបានថាស្នាមសាក់២យ៉ាងនេះគឺជាជម្រើសដ៏សំបូរបែបសម្រាប់តារាចម្រៀងមានកេរ្តិ៍ឈ្មោះល្បីលំដាប់ពិភពលោក។
៣. ពពកព្យុះ
Jongkook មិនខ្មាសអៀននឹងដាក់ទឹកមឹកខ្មៅក្រាស់ឃ្មឹកចូលទៅក្នុងសាច់របស់ខ្លួននោះឡើយ។ ស្នាមសាក់រូបពពកព្យុះពណ៌ខ្មៅដែលមានកាត់ដោយពន្លឺរន្ទះ អាចបង្ហាញពីអ្វីផ្សេងៗបានច្រើនយ៉ាង រួមទាំងក្ដីទុក្ខការលំបាក ការផ្លាស់ប្ដូរដែលនឹកស្មានមិនដល់ ឬភាពរឹងមាំ
៤. នាឡិកា
ជឿជាក់ថា Jongkook បានបន្ថែមស្នាមសាក់នាឡិកា នៅលើដៃរបស់គេក្រោយពីបទចម្រៀងទោលរបស់គេ «My Time» បានបញ្ចេញឱ្យអ្នកគាំទ្របានស្ដាប់កម្សាន្តកាលពីឆ្នាំ២០២០។ នាឡិកាអាចជារូបតំណាងឱ្យបទចម្រៀងនិងក្រុមរបស់គេ។ ក្នុងបទចម្រៀង «My Time» បានច្រៀងរៀបរាប់ពីការធំធាត់ឡើងនៅក្រោមពន្លឺ Spotlight និងក្ដីព្យាយាមស្វែងរកពេលវេលាផ្សេងៗក្នុងជីវិត។
៥. XCVII
ក្នុង 2021 Muster Sowoonzoo អ្នកគាំទ្របានឃើញស្នាមសាក់ថ្មីមួយទៀតដែលមិនដែលធ្លាប់បានឃើញសោះនៅដៃរបស់ Jongkook គឺរូបគោដែលមានសរសេរអក្សរថា «XCVII»។ សត្វគោជារូបតំណាងឱ្យឆ្នាំកំណើតរបស់ Jongkook ដែលកើតនៅឆ្នាំឆ្លូវ ខណៈដែល «XCVII» តំណាងឱ្យឆ្នាំកើតរបស់គេគឺ ១៩៩៧ ក្នុងតួលេខរ៉ូម៉ាំង ៕