សិល្បៈជាតិ៖ ថ្មីៗនេះ ហ្វេនថៃជាច្រើននាក់ប្រៀបដូចទឹកបាក់ទំនប់សម្រុកចូលមក Share និង Comment ប្រតិកម្មដាក់កញ្ញា រឿន ណាត Miss Universe Cambodia ឆ្នាំ ២០១៨ ក្រោយឃើញកញ្ញាតែងខ្លួនដូច Lisa សមាជិកក្រុម BLACKPINK បើទោះបីជាកញ្ញាប្រឹងប្រាប់មូលហេតុយ៉ាងណាក៏មិនពេញចិត្ត មិនស្ដាប់មិនចូលត្រចៀកដែរ។
កញ្ញា រឿន ណាត ត្រូវបានមហាជនចាប់អារម្មណ៍រូបសម្រស់ខ្លាំង នៅពេលដែលកញ្ញាគ្រងឈុតរ៉ូបខ្មៅ អមដោយការបង្ហាញគ្រឿងពេជ្រ និងលេងម៉ូដសក់ខ្លះ មានស្ទាយមើលទៅស្រដៀងនឹងតារាចម្រៀង Lisa សមាជិកក្រុម BLACKPINK នោះ ក៏ស្រាប់តែត្រូវហ្វេនជាជនជាតិថៃ នាំគ្នាសម្រុកចូលមកប្រតិកម្ម ដោយពួកគេលើកឡើងថា ៖ «នេះគឺជាកាបំពានកម្មសិទ្ធបញ្ញា» «មិនខ្វល់ពីក្រសែភ្នែកអ្នកគាំទ្រ Copy ទាំងដុល» «ប្រកួតដល់វេទិកាលំដាប់ពិភពលោកតែមិនយល់អ្វីជាកម្មសិទ្ធបញ្ញា» «លឺថាលោក Antonio Riva អ្នកឌីហ្សាញឈុតខ្មៅសម្រាប់ Liza Blackpink សម្ដែងការមិនពេញចិត្តចំពោះអ្នកច្នៃម៉ូដខ្មែរដែលលួចស្នាដៃរបស់គាត់» ជាដើម។
យ៉ាងណាមិញ ក្រោយមានការប្រតិកម្មនេះ បវរកញ្ញាចក្រវាលកម្ពុជាឆ្នាំ២០១៨ រូបនេះ បានប្រាប់មូលហេតុទៅអ្នកលេងបណ្ដាញសង្គមវិញដែរថា ស្ទាយតុបតែងខ្លួនរបស់កញ្ញាបើទោះមើលទៅស្រដៀងនឹង Lisa សមាជិកក្រុម BLACKPINK តែកញ្ញាមានហេតុផលត្រង់ថា តារាចម្រៀង K-Pop រូបនេះក៏ជាអាយដលនាង។ កញ្ញា រឿន ណាត បានបញ្ជាក់មូលហេតុក្នុង Comment ថា « អ្នកស្គាល់ខ្ញុំមិត្តភក្តិជិតស្និតដឹងហើយថាខ្ញុំស្រលាញ់Lisa ខ្លាំងឃើញថៃចេញមកប្រតិកម្ម យីគ្រាន់តែធ្វើខ្លួនតាមidolខ្លួនអត់បាន» ។ កញ្ញាបញ្ជាក់ថែមថា «ក្នុង story ក៏ប្រាប់ហើយ»។
ចុងក្រោយ ដោយមើលទៅឃើញថា ហ្វេនជនជាតិថៃហាក់ដូចជាមិនអស់ចិត្តទាល់តែសោះចំពោះរឿងនេះ កញ្ញា រឿន ណាត ក៏បានសម្រេចបិទការបញ្ចេញមតិក្នុង Comment ទាំងស្រុង ដោយទុកតែ Comment ល្អៗរបស់អ្នកគាំទ្រជំនួសវិញ។ សូមជម្រាបថា ហេតុការណ៍នេះបានធ្វើឱ្យអ្នកលេងបណ្ដាញសង្គមយល់ឃើញថា អ្នកគាំទ្រ Liza Blackpink ពិតជាមានគំនិតស្នេហាអាយដលនិយម ដូច្នោះបើទោះជាហ្វេនធ្វើត្រាប់ក៏ដោយ ក៏មិនអាចប៉ះពាល់នាងបានដែរ៕