សិល្បៈជាតិ៖ ដូចអ្នកគាំទ្រធ្លាប់ដឹងមកហើយថា កញ្ញា ខាត់ ស្រីច័ន្ទ គឺជាអតីតម្ចាស់ជ័យលាភីលំដាប់រងទី ៤ Miss Grand Cambodia ឆ្នាំ ២០២០ និងមានបទពិសោធន៍យ៉ាងជោគជំជាមួយកម្មវិធីប្រកួតសម្រស់ដ៏ធំនិងអស្ចារ្យមួយនេះ។
ពេលនេះកញ្ញាក៏ទទួលបានសិទ្ធក្នុងការគ្រប់គ្រង Miss Grand Kampong Chhnang 2024 ដែលជាការងារថ្មីមួយទៀតក្នុងវិស័យបវរកញ្ញាក្រៅពីអាជីពពិធីការិនី។ ហើយកញ្ញាបានគូសបញ្ជាក់ថា កញ្ញាមិនខ្លាចនឹងផ្ទេរដួងវិញ្ញាណទៅឱ្យបេក្ខនារីកំពង់ឆ្នាំ ដើម្បីឆ្ពោះទៅដណ្ដើមមកុដ Miss Grand Cambodia និង Miss Grand International។
រហូតមកទល់ពេលនេះ PD តំណាងឱ្យខេត្តកំពង់ឆ្នាំរូបនេះ មានផែនការរួចជាស្រេចជាច្រើនក្នុងការស្វែងរក ក៏ដូចជាជ្រើសរើសបេក្ខនារីប្រចាំខេត្តកំពង់ទៅតាមគោលគំនិត ឬ Concept ខេត្ត ពោលគឺ កញ្ញានឹងជ្រើសយកបេក្ខនារី ១២ នាក់ ដែលតំណាងឱ្យនាងទាំង ១២ ជាអត្តសញ្ញាណខេត្តកំពង់ឆ្នាំមកចូលរួមប្រកួត។
យ៉ាងណាមិញ ក្នុងនាមជា PD តំណាងឱ្យខេត្តកំពង់ឆ្នាំផង និងក្នុងនាមជាអតីតបេក្ខភាព ធ្លាប់ម្ចាស់ជ័យលាភីលំដាប់រងទី ៤ ផង កញ្ញា ខាត់ស្រីច័ន្ទ ក៏បានបង្ហាញពីគោលគំនិតចាប់យកខេត្តកំពង់ឆ្នាំ និងប្រាប់ទៅកាន់បេក្ខភាពដែលចង់ដាក់ពាក្យមកប្រកួតថា កញ្ញានឹងផ្ញេរវិជ្ជាគុន ផ្ញេរដួងវិញ្ញាណ របស់កញ្ញាឱ្យទៅបេក្ខនារីទាំងអស់ដោយមិនលាក់លៀម បានន័យថា បេក្ខនារីមកប្រកួតគឺទទួលបានសីល្ប៍វិធីខាប់គ្រប់គ្រឿងរបស់ Miss Grand។
សូមជម្រាបថា កុំភ្លេចរង់ចាំតាមដាននៅលើហ្វេសប៊ុកផេកផ្លូវការ Miss Grand Kampong Chhnang 2024 ដើម្បីបានជ្រាបពីដំណើរនៃការប្រកួតទាំងមូល ហើយកុំភ្លេចរង់ចាំអ៊ុតមើលថា តើបេក្ខនារីរូបណាដែលជាម្ចាស់មកុដរបស់ Grand Kampong Chhnang 2024៕