កាលពីថ្ងៃទី៨ ខែសីហា ឆ្នាំ២០២១ Page គាំទ្រវេទិកាប្រកួតស្រីស្អាត Universe Pageant បានបង្ហោះចែករំលែកឱ្យដឹងពីរឿងរ៉ាវ ដ៏គួរឱ្យភ្ញាក់ផ្អើលមួយព្រោះមានបុគ្គលម្នាក់បានដាក់ឈ្មោះខ្លួនឯងថា អនុសេនីយឯក ប៉ាវីន ដែលតែងតែបានប្រើប្រាស់គណនីនេះទៅឆាតញ៉ែបវរកញ្ញា ការពិតនោះគឺជាគណនីក្លែងក្លាយ។
យោងតាមការបង្ហោះរបស់ Page Universe Pageant បានធ្វើការបង្ហោះឱ្យដឹងថាការពិតគណនី Facebook ឈ្មោះ អនុសេនីយឯក ប៉ាវីន ដែលតែងតែមានចំនួន Like, Comment និង Share យ៉ាងច្រើននៅលើបណ្ដាញសង្គមនោះការពិតមិនមែនជាមនុស្សពិតនោះទេ តែជាការប្រើប្រាស់គណនីក្លែងក្លាយ និងរូបភាពក្លែងក្លាយដោយកាត់តយករូបតារាស្រុកគេមកប្រើប្រាស់ប៉ុណ្ណោះ។
នៅខាងក្រោមផុសខាងលើមានមនុស្សជាច្រើនបានចូលមកខមមិន និងបានយល់ស្របនឹងការលើកឡើងរបស់ Page Universe Pageant ដែលលើកឡើងថាគណនីខាងលើនេះគឺជាគណនី Fake ថែមទាំងនិយាយទៀតថាសមត្ថភាពកាត់តនៅស្ទើ ខណៈអ្នកខ្លះទៀតបានលើកឡើងដែរថាខ្លួនក៏មានការសង្ស័យដែរព្រោះតែរូបភាពដែលបុគ្គលរូបនេះប្រើគឺដូចទៅនឹងតារាបរទេសដែលខ្លួនធ្លាប់បានមើលការសម្ដែងជាដើម។ល។
ការដែលគណនីនេះត្រូវបានក្រុមអ្នកគាំទ្រវេទិកាប្រកួតស្រីស្អាតមានការចាប់អារម្មណ៍នោះព្រោះតែគណនីមួយនេះ ជារឿយៗតែងតែឆាតទៅញ៉ែបវរកញ្ញារហូត។ ប៉ុន្តែពេលនេះនៅពេលដែលក្រុមអ្នកគាំទ្រជាច្រើនរូបរបស់ Page Universe Pageant បានតាមទាន់ ហើយដឹងការពិតព្រមទាំងបកអាក្រាតគណនីមួយនេះ ខណៈនេះសារព័ត៌មានត្រយងបានព្យាយាមស្វែងរកដើម្បីស្រាយបំភ្លឺ តែគណនីនេះបានផ្លាស់ប្ដូរឈ្មោះមកជា Vid Ra Min និងបិទរាល់ព័ត៌មានផ្សេងៗទាំងអស់បានបង្ហាញឱ្យឃើញនៅលើ Timeline នោះឡើយ។
រឿងនេះអាចចាត់ទុកថា គឺជាឧទាហរណ៍មួយយ៉ាងល្អ សម្រាប់ឱ្យអ្នកលេងបណ្ដាញសង្គម ក៏ដូចជាសាធារណជនមានការប្រុងប្រយ័ត្នព្រោះយើងអាចនឹងក្លាយជានុយរបស់ជនខិលខូចដែលមានចេតនាមិនល្អ ឬចេតនាខូច នាំឱ្យខាតបង់ប្រយោជន៍ដោយប្រការណាមួយ។
ខាងក្រោមនេះគឺជាការលើកឡើងពី Facebook Page : Universe Pageant ៖
