ក្របខណ្ឌលីគកំពូលអង់គ្លេស សប្តាហ៍ទី១៩ កាលពីយប់ថ្ងៃទី២៦ ខែធ្នូ បានបញ្ចប់៥គូនៅថ្ងៃ Boxing Day ស្របពេលខ្សែប្រយុទ្ធ Rasmus Højlund ស៊ុតបញ្ចូលទីគ្រាប់ដំបូងឱ្យ Man United នៅ Premier League និងការវាយបកដ៏អស្ចារ្យយកឈ្នះ Aston Villa ក្នុងលទ្ធផល ៣-២ នៅកីឡដ្ឋាន Old Trafford។
លទ្ធផលថ្ងៃ Boxing Day៖
- Newcastle United ១-៣ Nottingham Forest នៅកីឡដ្ឋាន St James’ Park
- Bournemouth ៣-០ Fulham នៅកីឡដ្ឋាន Vitality
- Sheffield United ២-៣ Luton Town នៅកីឡដ្ឋាន Bramall Lane
- Burnley ០-២ Liverpool នៅកីឡដ្ឋាន Turf Moor
- Aston Villa ២-៣ Man United នៅកីឡដ្ឋាន Villa Park។
Liverpool ឡើងទៅឈរកំពូលតារាង Premier League៖
ឈ្មោះ Boxing Day កើតចេញពីប្រពៃណីរបស់គ្រួសារអ្នកមានមួយ ដែលបានរៀបចំកាដូ និងផ្ដល់អំណោយដល់អ្នកបម្រើរបស់គេ នៅថ្ងៃទី២៦ ខែធ្នូ។ Boxing Day ជាប្រពៃណីសម្រាប់ថ្ងៃឈប់សម្រាករបស់អ្នកបម្រើ ជាពេលដែលពួកគេនឹងទទួលបានប្រអប់កាដូបុណ្យណូអែល ជាពិសេសពីចៅហ្វាយនាយ ហើយត្រឡប់ទៅផ្ទះវិញដើម្បីផ្ដល់ប្រអប់កាដូនោះដល់ក្រុមគ្រួសាររបស់ពួកគេ។
បុណ្យណូអែលឥឡូវនេះ បានក្លាយទៅជាថ្ងៃដែលមានការប្រកួតកីឡាបាល់ទាត់ ពោលគឺចាប់តាំងពីឆ្នាំ ១៩៥៧ ចក្រភពអង់គ្លេស បានប្រារព្ធការប្រកួតកីឡាបាល់ទាត់នៅថ្ងៃបុណ្យណូអែលចុងក្រោយ ហើយចាប់ពីពេលនោះមក Boxing Day បានក្លាយជាថ្ងៃប្រពៃណីសម្រាប់បាល់ទាត់ទូទាំងប្រទេស។
ខណៈពេលប្រទេសអឺរ៉ុបផ្សេងទៀតភាគច្រើនកំពុងរីករាយនឹងការសម្រាករដូវរងារបស់ពួកគេ លីគអង់គ្លេស និងស្កុតឡេន មានការប្រកួតដែលលេងក្នុងអំឡុងពេលពិធីបុណ្យ។
នៅថ្ងៃនេះផងដែរ ក្រុមម្ចាស់ផ្ទះ តែងតែទម្លាក់តម្លៃសំបុត្រដើម្បីទទួលបានកុមារច្រើន និងក្មេងជំទង់ទៅមើលបាល់ទាត់ដើម្បីហេតុផលល្អ៕