អ្នកមេម៉ាយកូនពីរម្ចាស់ស្នេហ៍តារាសម្ដែងល្បីលោក អូន ឧស្សាហ៍ ដែលបច្ចុប្បន្នកំពុងតែជាប់ឃុំឃាំងនៅក្នុងពន្ធនាគារ អ្នកនាង សុទ្ធ បញ្ចកា បានបង្ហោះរូបភាពផ្អែមល្ហែមជាមួយនឹងបុរសថ្មីមួយរូប ព្រមជាមួយនឹងសំណេរដែលធ្វើឱ្យមហាជនមានការសង្ស័យនិងសន្មតថាពេលនេះអ្នកនាងរកបានបុរសថ្មីមកស្អំបេះដូងហើយ។
អ្នកនាង សុទ្ធ បញ្ចកា អតីតគូស្នេហ៍លោក Edwin បានបង្ហោះរូបភាពជាមួយនឹងបុរសម្នាក់ដែលក្រោយមកត្រូវបានគេស្គាល់ថាឈ្មោះ ហៀង រតនា មានតួនាទីជាវេជ្ជបណ្ឌិត ដោយភាសាអង់គ្លេសដែលមានអត្ថន័យហាក់បង្ហាញពីទំនាក់ទំនងស្នេហាដ៏ស៊ីជម្រៅរបស់ខ្លួនជាមួយនឹងប្រុសស្នេហ៍ថ្មី ដោយមានអត្ថន័យថា៖ «Anyway u win my heart ! 
Thank for trying to protect , take care and love stop being sad m sure choosing u» ដែលមានន័យថា «បងបានយកឈ្នះបេះដូងរបស់អូន! អរគុណដែលព្យាយាមការពារអូន មើលថែទាំងនិងស្រលាញ់។ កុំកើតទុក្ខទៀតអី អូនច្បាស់ណាស់នឹងជ្រើសរើសយកបង»។
សំណេរខ្លីតែមានន័យគ្រប់គ្រាន់ខាងលើនេះត្រូវបានសាមីខ្លួនបង្ហោះកាលពីរសៀលថ្ងៃទី១០ ខែសីហា ឆ្នាំ២០២១ នេះ ហើយក្រោយពីបានបង្ហោះអមជាមួយនឹងរូបអង្គុយលើភ្លៅរបស់ខាងប្រុស ស្រាប់តែអ្នកនាងបានប្ដូររូបដែលបង្ហោះអមនោះមកជារូបអង្គុយក្នុងឡានជាមួយគ្នាវិញ។ ការលាតត្រដាងចំណងស្នេហ៍របស់អ្នកនាងត្រូវបានមិត្តភក្ដិនិងអ្នកគាំទ្រចូលមកអបអរសាទរ ហើយក្នុងនោះក៏មានអ្នកខ្លះបានសន្មតថាទំនាក់ទំនងអ្នកនាងនឹងលោកអេដវីនទំនងជាបញ្ចប់ហើយ។
យ៉ាងណាមិញអ្នកនាង សុទ្ធ បញ្ចកា ក៏បានបង្ហោះសំណេរមួយទៀតដែរដោយក្នុងនោះអ្នកនាងបានបញ្ជាក់ថាអ្នកនាងនឹងធ្វើការ Live បកស្រាយរឿងនេះឱ្យមជ្ឈដ្ឋានមហាជនបានដឹងនៅម៉ោង៧យប់នេះ ដូច្នេះអ្នកដែលចង់ដឹងរ៉ឿងរបស់អ្នកនាងចូលទៅតាមដានការ Live របស់អ្នកនាងលើហ្វេសប៊ុកបាន៕
