ក្រុមកីឡាការនីបាល់បោះរទេះជនពិការកម្ពុជា បានយកឈ្នះ ៣ប្រកួតជាប់គ្នា បន្តឡើងទៅកាន់វគ្គ ៨ក្រុមចុងក្រោយក្នុងការប្រកួតជើងឯកតំបន់អាស៊ី-អូសេអានី IWBF AOZ Championship និងជម្រុះព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ នៅប្រទេសថៃ។
៣ប្រកួតកន្លងមករបស់ក្រុមកីឡាការនីបាល់បោះរទេះជនពិការរបស់កម្ពុជា ដែលបានយកជ័យជំនះទាំង៣ប្រកួត វិញ្ញាសារ ៣ទល់៣ ដោយលទ្ធផល៖
-ប្រកួតទី១៖ កម្ពុជា ១០-៣ អូស្រ្តាលី
-ប្រកួតទី១៖ កម្ពុជា ១៤-០ ឥណ្ឌា
-ប្រកួតទី១៖ កម្ពុជា ៩-២ ថៃ
ដោយឡែកសម្រាប់ការប្រកួតវគ្គ Women’s 3×3 League Quarter-Finals វគ្គ ៨ក្រុមចុងក្រោយ ៣ទល់៣ ក្រុមកីឡាការនីបាល់បោះរទេះជនពិការកម្ពុជា នឹងត្រូវជួបក្រុមក្រុមកីឡាការនីបាល់បោះរទេះជនពិការឡាវ នៅថ្ងៃទី១១ ខែមករា ឆ្នាំ២០២៤ វេលាម៉ោង ៧:៤០នាទីយប់។
ព្រឹត្តិការណ៍ IWBF AOZ Championship and 2024 Paris Qualificationឬជើងឯកតំបន់អាស៊ី-អូសេអានី និងជម្រុះព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ ធ្វើឡើងនៅទីក្រុងបាងកក ប្រទេសថៃ ចាប់ដំណើរការពីថ្ងៃទី៩ ដល់ថ្ងៃទី២១ ខែមករា ឆ្នាំ២០២៤។
ចំពោះក្រុមទទួលជើងឯក នឹងទទួលបានកៅអីទៅព្រឹត្តិការណ៍ប៉ារ៉ាឡាំពិក ឆ្នាំ២០២៤ (Paris 2024 Paralympics Games) នៅទីក្រុងបារីស ប្រទេសបារាំង។ ខណ:ក្រុមចំណាត់ថ្នាក់លេខ២ និងលេខ ៣ នឹងទទួលបានកៅអីទៅប្រកួតជើងឯក 2024 IWBF Women’s Repechage នៅទីក្រុង Osaka ប្រទេសជប៉ុន៕
