ព្រឹត្តិការណ៍បាល់ទាត់ពានរង្វាន់មិត្តភាពយុវជនអន្ដរក្រសួង-ស្ថាប័ន លើកទី៩ ឆ្នាំ២០២៤ បានប្រារព្ធពិធីបើកការប្រកួតជាផ្លូវការ ក្រោមវត្តមានអញ្ជើញជាអធិបតីភាពដ៏ខ្ពង់ខ្ពស់ឯកឧត្តម អភិសន្តិបណ្ឌិត ស សុខា អនុប្រធានសហភាពសហព័ន្ធយុវជនកម្ពុជា តំណាងដ៍ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា កាលពីថ្ងៃទី១៤ ខែមករា ឆ្នាំ២០២៤ នៅពហុកីឡដ្ឋានស្តាត់ចាស់។
ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានសហភាពសហព័ន្ធយុវជនកម្ពុជា បានវាយតម្លៃ និងកោតសរសើរចំពោះកិច្ចខិត ខំប្រឹងប្រែងអស់ពីកម្លាំងកាយ កម្លាំងចិត្ត ដោយមិនគិតពេលវេលា ក្រោមការដឹកនាំរបស់ឯកឧត្តម សុខ និងក្រុមការងារទាំងអស់ដែលបានរួមគ្នាបំពេញភារកិច្ចដោយការទទួលខុសត្រូវនិង សប្បាយណាសស្រាក់សម្រាំ ដែលនាំឱ្យពានរង្វាន់នេះមានការវិវដ្តរីកចម្រើន តាំងពីលើកទី១ ឆ្នាំ២០១៣ រហូតមក ដល់លើកទី៩ ឆ្នាំ២០២៤នេះ ដែលមានក្រសួងស្ថាប័នចូលរួមរហូតដល់ទៅ៣៤ ក្នុងនោះមាន ៣ក្រុម ដែលទើបចូលរួមជាក្រុមថ្មី គឺ ក្រុមយុវជនក្រសួងមហាផ្ទៃ ក្រុមយុវជនក្រសួងការពារជាតិ និងក្រុមយុវ ជនកងរាជអាវុធហត្ថរាជធានីភ្នំពេញ។
ឯកឧត្តម អភិសន្តិបណ្ឌិត បានមានប្រសាសន៍បន្ថែមថា ការប្រកួតកីឡា បាល់ទាត់ពានរង្វាន់ “មិត្តភាពយុវជនអន្តរក្រសួង-ស្ថាប័ន នេះ បានបង្ហាញយ៉ាងច្បាស់អំពី ឱកាសដែលយើងទាំងអស់គ្នាអាចជួបជុំគ្នាលេងកីឡាមិនត្រឹមតែសម្រាប់ការសប្បាយរីករាយ និង ដើម្បីសុខភាពមិត្តភាពប៉ុណ្ណោះទេ តែវាក៏ជារួមចំណែករបស់យើងជាយុវជនក្នុងការគាំទ្រ និងលើក កម្ពស់វិស័យកីឡានៅក្នុងព្រះរាជាណាចក្រកម្ពុជាផងដែរ។
ទន្ទឹមនឹងនោះ ឯកឧត្តម អភិសន្តិបណ្ឌិត បានលើកឡើងថា ការប្រកួតដែលបានរៀបចំ ឡើងនេះ ក៏ដើម្បីរួមចំណែកក្នុងការលើកស្ទួយ និងជំរុញវិស័យកីឡារីកចម្រើនឡើងថែមទៀត ស្រប តាមគោលនយោបាយជាតិស្តីពីការអភិវឌ្ឍវិស័យអប់រំកាយ និងកីឡាសំដៅអភិវឌ្ឍធនធានមនុស្សប្រកប ដោយគុណភាពខ្ពស់ទាំងផ្នែកបញ្ញាស្មារតីនិងកាយសម្បទា ដែលនេះរួមចំណែកដល់ការលើកកម្ពស់ ផលិតភាព កំណើនសេដ្ឋកិច្ច និងការអភិវឌ្ឍសេដ្ឋកិច្ច-សង្គម ប្រកបដោយចីរភាព សមធម៌ និងបរិយាប័ន្ន។
លទ្ធផលការប្រកួតជុំទី១ (ពូលA) ថ្ងៃអាទិត្យ ទី១៤ ខែមករា ឆ្នាំ២០២៤៖
តារាងចំណាត់ថ្នាក់ ពូលA ការប្រកួតជុំទី១៖
កម្មវិធីប្រកួតជុំទី១ | (ពូលG) ថ្ងៃទី១៥ ខែមករា ឆ្នាំ២០២៤ ធ្វើឡើងនៅទីលានវិទ្យាល័យបឹងត្របែក៖
គួរបញ្ជាក់ថា ព្រឹត្តិការណ៍នេះ មានក្រុមចូលរួមរហូតដល់ ៣៤ក្រុម ស្មើនឹង ៧២ប្រកួត។ សម្រាប់ពីធីបើកធ្វើឡើងនៅថ្ងៃទី១៤ ខែមករា ឆ្នាំ២០២៤ និងបិទបញ្ចប់នៅថ្ងៃទី៣១ ខែមីនា ឆ្នាំ២០២៤។ សម្រាប់លក្ខខណ្ឌចូលរួម រាល់កីឡាករទាំងអស់ ត្រូវតែជាមន្ដ្រីរាជការ ហើយក្រុមនីមួយៗ ត្រូវប្រកាន់ភ្ជាប់នូវស្មារតីកីឡា ទោះបីឈ្នះ ឬចាញ់ គឺជារឿងធម្មតា សំខាន់គឺការរឹតចំណងមិត្តភាព សាមគ្គីភាព និងបង្កើនទំនាក់ទំនងល្អ រវាងគ្នា និងគ្នា រាប់ចាប់ពីមន្ដ្រីរាជការក្នុងការិយាល័យ ឬនាយកដ្ឋាន រហូតដល់ក្រសួង-ស្ថាប័ននីមួយៗ តាមរយៈការប្រមូលផ្ដុំហ្វឹកហាត់ និងការប្រកួតជាដើម ។
ដោយឡែកសម្រាប់ក្រុមទាំង ៣៤ក្រសួង-ស្ថាប័ន បែងចែកជា ៨ពូល ដើម្បីធ្វើការប្រកួតជម្រុះ នៅទី លានវិទ្យាល័យបឹងត្របែក ក្នុងនោះពូលA ដល់ពូលF គឺមាន ៤ក្រុមក្នុងមួយពូល ខណៈពូល G និងពូល H មាន ៥ក្រុម។ បន្ទាប់មកក្រុមឈរលេខ១ និងលេខ២ នៃពូលនីមួយៗ នឹងឡើងទៅវគ្គ ១៦ក្រុមចុងក្រោយ ដែលត្រូវធ្វើការប្រកួតនៅកីឡដ្ឋានស្ដាតចាស់។
ខាងក្រោមនេះជាប្រវត្តិក្រុមចូលរួមប្រកួតកន្លងមក៖
លើកទី១៖ ២០១៣ ក្រុមចូលរួមមានចំនួន ៩
លើកទី២៖ ២០១៤ ក្រុមចូលរួមមានចំនួន ២២
លើកទី៣៖ ២០១៥ ក្រុមចូលរួមមានចំនួន ២៥
លើកទី៤៖ ២០១៦ ក្រុមចូលរួមមានចំនួន ២៩
លើកទី៥៖ ២០១៧ ក្រុមចូលរួមមានចំនួន ៣០
លើកទី៦៖ ២០១៨ ក្រុមចូលរួមមានចំនួន ៣១
លើកទី៧៖ ២០១៩ ក្រុមចូលរួមមានចំនួន ៣១
លើកទី៨៖ ២០២២ ក្រុមចូលរួមមានចំនួន ៣១
លើកទី៩៖ ២០២៤ ក្រុមចូលរួមមានចំនួន ៣៤
សម្រាប់ការប្រកួតកីឡាបាល់ទាត់ពានរង្វាន់ មិត្តភាពយុវជនអន្តរក្រសួង-ស្ថាប័ន លើកទី៨ ឆ្នាំ២០២២ ក្រុមក្រសួងសាធារណៈការ និងដឹកជញ្ជូន បានក្លាយជាម្ចាស់ជើងឯក បន្ទាប់ពីយកឈ្នះក្រុមក្រសួងសុខាភិបាល ៤-៣ នៅវគ្គផ្តាច់ព្រ័ត្រ និងគ្រាដែលក្រសួងសង្គមកិច្ច អតីតយុទ្ធជន និងយុវនិតិសម្បទា ទទួលបានចំណាត់ថ្នាក់លេខ៣ ខណ:ក្រុម Fair Play គឺយុវជនក្រសួងបរិស្ថាន៕
