សិល្បៈជាតិ៖ កម្មវិធីប្រកួតសម្រស់ដ៏ធំកម្រិតពិភពលោក Miss Global International បានរំកិលជិតដល់វគ្គផ្ដាច់ព្រ័ត្រ រកឃើញបេក្ខនារីខ្លាំងដែលនឹងក្លាយជាអ្នកស្នងតំណែងម្ចាស់ជយលាភីប្រចាំឆ្នាំ ២០២៤ហើយ ដោយកាលពីថ្ងៃទី១៦ កន្លងទៅដែលជាថ្ងៃប្រកួតឈុតតំណាងជាតិសារព័ត៌មានត្រយងមានឱកាសបានជួបសម្ភាសន៍ជាមួយនឹងបេក្ខនារីដែលមកពីប្រទេសភូមិផងរបងជាមួយនឹងកម្ពុជាគឺ Miss Global Thailand។
កញ្ញាដ៏ស្រស់សោភា ដែលមានទម្រង់ថៃចំ Karn Chonnikarn បានប្រាប់ពីចំណាប់អារម្មណ៍ផ្ទាល់ខ្លួនពាក់ព័ន្ធនឹងកម្មវិធី Miss Global ថា កញ្ញាពិបាកនឹងពិពណ៌នាណាស់ព្រោះកម្មវិធី Miss Global មិនមែនស្វែងរកត្រឹមតែនារីស្អាតនិងពូកែតែមួយមុខនោះទេ ប៉ុន្តែកម្មវិធីនេះគឺបានផ្ដល់នូវសិទ្ធិអំណាចដល់ស្ត្រី ក៏ដូចជាស្វែងរកស្ត្រីដែលមានភាពជាអ្នកដឹកនាំ ស្ត្រីដែលជាផ្សព្វផ្សាយពីវប្បធម៌ ដូច្នេះសម្រាប់កញ្ញា ពិតជាពេញចិត្តខ្លាំងចំពោះកម្មវិធីមួយនេះ។
បេក្ខនារីតំណាងឱ្យប្រទេសថៃរូបនេះ ធ្លាប់មានបទពិសោធន៍ប្រកួតហើយក៏បានគ្រងមកុដជយលាភីចំណាត់ថ្នាក់លេខមួយពីវេទិកាប្រកួតដ៏ធំនៅប្រទេសថៃគឺកម្មវិធីបវរកញ្ញាឯកប្រចាំប្រទេសថៃឆ្នាំ២០២។ ត្បិតធ្លាប់ជាម្ចាស់ជយលាភី តែកញ្ញា Karn បានគូសបញ្ជាក់ពីភាពខុសប្លែកគ្នារវាងកម្មវិធីទាំងពីរផងដែរ។
ជាចុងក្រោយកញ្ញា Karn Chonnikarn បានផ្ញើក្ដីស្រលាញ់ចំពោះអ្នកគាំទ្រដែលតែងតែលើកទឹកចិត្តក៏ដូចជាក្ដីស្រលាញ់ចំពោះកញ្ញាក្នុងការប្រកួតនេះផងដែរ។ សម្រាប់អ្នកដែលជាអ្នកគាំទ្រ បេក្ខនារីនីមួយៗអាចចូលរួមបោះឆ្នោតគាំទ្របេក្ខនារីដែលខ្លួនពេញចិត្តសម្រាប់វិញ្ញាសាឈុតតំណាងជាតិឬ National Costume នៅក្នុង App Miss Global International ត្រឹមល្ងាចថ្ងៃទី១៧ ខែមករា ឆ្នាំ២០២។ សូមជំរាបជូនថាកម្មវិធី Miss Global International នឹងប្រកួតផ្ដាច់ព្រ័ត្រឹនៅថ្ងៃទី១៨ ខែមករា ឆ្នាំ២០២៤ខាងមុខនេះ៕