ពានរង្វាន់លីគកំពូលកម្ពុជា បានបញ្ជប់ការប្រកួតសប្តាហ៍ទី១៧ ហើយកាលពីថ្ងៃទី១៤ ខែមករា ឆ្នាំ២០២៤ កន្លងទៅ ក្នុងនោះឃើញថា កាតកើនដល់២៩៦សន្លឹកហើយ ខណៈលោក ជី សាមឌី ជាអាជ្ញាកណ្តាល ដែលចាយកាតក្រហមច្រើនជាងគេ មានចំនួន៣សន្លឹក ក្នុងចំណោមកាតលឿងសរុប៤២សន្លឹក ត្រឹមសប្តាហ៍ទី១៧។
ខាងក្រោមនេះជាបញ្ជីឈ្នោះអាជ្ញាកណ្តាល ដែលចាយកាតច្រើនជាងគេនៅ CPL ត្រឹមសប្តាហ៍ទី១៧៖
ទី១. លោក ឃិន ឧសីហា កាត់ក្តី១៣ប្រកួត ចាយកាត៥២សន្លឹក គ្មានកាតក្រហម
ទី២. លោក ជួប វិសាល កាត់ក្តី១១ប្រកួត ចាយកាត៤៤សន្លឹក ក្រហម២សន្លឹក
ទី៣. លោក ជី សាមឌី កាត់ក្តី១៣ប្រកួត ចាយកាត៤២សន្លឹក ក្រហម៣សន្លឹក
ទី៤. លោក អ៉ីវ ទីណា កាត់ក្តី១២ប្រកួត ចាយកាត៤១សន្លឹក គ្មានកាតក្រហម
ទី៥. លោក ឃួន វីរៈ កាត់ក្តី១២ប្រកួត ចាយកាត៤១សន្លឹក ក្រហម១សន្លឹក
ទី៦. លោក ហោ ប៊ុនថង កាត់ក្តី៩ប្រកួត ចាយកាត៣៧សន្លឹក ក្រហម១សន្លឹក
ទី៧. លោក ថន ថាវ័ន្ត កាត់ក្តី៦ប្រកួត ចាយកាត១៨សន្លឹក ក្រហម១សន្លឹក
ទី៨. លោក ជួន ងួនហុង កាត់ក្តី៨ប្រកួត ចាយកាត១៤សន្លឹក ក្រហមសន្លឹក
ទី៩. លោក ភាវ ភា កាត់ក្តី១ប្រកួត ចាយកាត៧សន្លឹក ក្រហម២សន្លឹក។
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕
