ពានរង្វាន់បាល់ទាត់សម្តេចតេជោ ហ៊ុន សែន (Hun Sen Cup 2023-24) ជើងឯកថ្នាក់ជាតិ រដូវកាលឆ្នាំ២០២៣-២៤ កំពុងដំណើរការប្រកួតក្នុងវគ្គជម្រុះ១៦ក្រុមចុងក្រោយ ជើងទី១ ស្របពេលដែលមានអ្នកចាំទី៣នាក់ អាចរក្សាសំណាញ់ទីមិនអោយគូប្រកួតទាត់បញ្ជូលទីខ្លួនបាន (Clean Sheets) មុនគេ។
អ្នកចាំទីទាំង៣នាក់នោះមាន៖
១) កីឡាករ អាំ សុវណ្ណារ៉ាត់ របស់ព្រះខ័នរាជស្វាយរៀង ក្នុងជ័យជម្នះលើក្រុមខេត្តបន្ទាយមានជ័យ ៤-០
២) កីឡាករ គង់ ច័ន្ទវុទ្ធី របស់ISIដង្កោសែនជ័យ ក្នុងជ័យជម្នះលើក្រុមអង្គរស៊ីធី ៧-០
៣) កីឡាករ ប្រាក់ មុន្នីភារុណ របស់សមាគមកីឡាបាល់ទាត់ក្រសួងមហាផ្ទៃ ក្នុងជ័យជម្នះលើក្រុមព្រៃវែង ១-០
ពានរង្វាន់សម្តេចតេជោ ហ៊ុន សែន រដូវកាល២០២៣-២៤ បែងចែកការប្រកួតជា២វគ្គគឺវគ្គជើងឯកថ្នាក់ខេត្ត និងវគ្គជើងឯកថ្នាក់ជាតិ។ ក្នុងការប្រកួតជើងឯកថ្នាក់ជាតិ វគ្គ១៦ក្រុមចុងក្រោយជើងទី១នេះ ឃើញថាមានគ្រាប់កើនដល់៣២គ្រាប់ នៃ៨ប្រកួត៕
