ក្លិបបាល់ទាត់ Lija Athletic F.C. របស់ប្រទេសម៉ាល់តា កាលពីថ្ងៃទី១៨ ខែមករា ឆ្នាំ២០២៤ កន្លង បានប្រកាសនាំចូលខ្សែប្រយុទ្ធជនជាតិជប៉ុន Takumu Nishihara ក្រោយពេលកីឡាកររូបនេះបានចែកផ្លូវជាមួយក្លិបនៅលីគកំពូកកម្ពុជាគឺវិសាខា កាលពីដើមខែធ្នូ ឆ្នាំ២០២៣កន្លងទៅ។
Lija Athletic F.C. គឺជាសមាជិកលីគលំដាប់ទី២ របស់ប្រទេសម៉ាល់តា ដែលកំពុងចូលរួមប្រកួតក្នុងក្របខណ្ឌពានរង្វាន់ឈ្មោះថា Maltese Challenge League។ សម្រាប់រដូវកាលថ្មីនេះ មានក្រុមចំនួន ១៦ចូលរួម។
ក្លិបដែលមានអាយុកាល ៧៥ឆ្នាំមួយនេះក៏ធ្លាបក្លាយជាម្ចាស់ជើងឯក Maltese Challenge League ចំនួន ១រដូវកាលផងដែរ នៅរដូវកាលឆ្នាំ២០១៦/២០១៧ និងធ្លាប់គ្រងជើងឯករងបានចំនួន ៣លើកគឺ នៅឆ្នាំ២០០០, ២០០៣ និងចុងក្រោយនៅឆ្នាំ២០១៩។
មុនចូលរួមជាក្លិបនៅតំបន់អ៊ឺរ៉ុបមួយនេះ Takumu Nishihara ធ្លាប់លេងឲ្យក្លិបជាច្រើនដូចជា៖
2015 លេងឲ្យក្លិប Tiamo Hirakata លីគទី៤ជប៉ុន
2016 លេងឲ្យក្លិប Ayeyawady United លីគកំពូលមីយ៉ាន់ម៉ា
2017 លេងឲ្យក្លិប Nay Pyi Taw លីគកំពូលមីយ៉ាន់ម៉ា
2018 លេងឲ្យក្លិប Lao Toyota លីគកំពូលឡាវ
2019 លេងឲ្យក្លិប Khon Kaen លីគកំពូលថៃ
2020 លេងឲ្យក្លិប Lamphun Warrior លីគទី២ថៃ
2020 លេងឲ្យក្លិប Young Elephants លីគកំពូលឡាវ
2021/22 លេងឲ្យក្លិប Tiffy Army FC លីគកំពូលកម្ពុជា
2022/23 លេងឲ្យក្លិប Visakha លីគកំពូលកម្ពុជា
មុនចេញទៅប្រកបអាជីពនៅក្លិបក្នុងប្រតែសម៉ាល់តានេះ Takumu Nishiharaបានបង្ហាញការចាប់អារម្មណ៍ជាច្រើននៅកម្ពុជា ដោយបានបង្ហាញខ្លួនក្លិបបាល់ទាត់វិសាខា នៅក្នុងពានរង្វាន់ League Cup, Super Cup និងលីគកំពូលកម្ពុជា បានចំនួន ១០ប្រកួត រកបាន ៣គ្រាប់ លេងបាន ៦៥០នាទី៕
