ក្លិបបាល់ទាត់ព្រះខ័នរាជស្វាយរៀង នឹងត្រូវបើកទ្វាកីឡាដ្ឋានខេត្តស្វាយរៀង ដើម្បីទទួលក្រុមភ្ញៀវ ភ្នំពេញក្រោន ក្នុងជំនួបសប្ដាហ៍ទី២០ ដើម្បីដណ្ដើមរក្សាកៅអីកំពូលតារាង នៃពានរង្វាន់ Cambodian Prmier League រដូវកាល២០២៣-២៤ កាលពីថ្ងៃទី២៨ ខែមករា ឆ្នាំ២០២៤។
ក្នុងជំនួបប៉ះគ្នារវាងក្រុមទាំង២ នៅថ្ងៃអាទិត្យ ទី០៤ ខែមករា ឆ្នាំ២០២៤ នេះដែល ក៏ជាការជួបគ្នាដើម្បីដណ្ដើមកៅអីកំពូលតាងពីសំណាក់ភ្នំពេញ ដោយត្រូវការលទ្ធផលឈ្នះជាចាំបាច់។ សម្រាប់លទ្ធផលរបស់ក្រុមទាំង២ នៅសប្ដាហ៍ទី១៩ កន្លងទៅ ស្វាយរៀង បានយកឈ្នះ Tiffy Army ១-០ ខណ:ភ្នំពេញក្រោន យកឈ្នះបឹងកេត ១-០ ដូចគ្នា។
ដោយឡែកបច្ចុប្បន្នចំណាត់ថ្នាក់ក្រុមទាំង២ មាន៖ ព្រះខ័នរាជស្វាយ រៀង កំពុងឈរកំពូលតារាង ឆ្លងកាត់ ១៩ប្រកួត ឈ្នះ ១៥ប្រកួត ស្មើ ២ប្រកួត និងចាញ់ ២ប្រកួត មាន ៤៧ពិន្ទុ។ សម្រាប់ភ្នំពេញក្រោន ឈរនៅចំណាត់ថ្នាក់ លេខ២ ឆ្លងកាត់ ១៩ប្រកួត ឈ្នះ ១៤ប្រកួត ស្មើ៣ ប្រកួត និងចាញ់ ២ប្រកួត មាន ៤៥ពិន្ទុ។
តារាងចំណាត់ថ្នាក់ ត្រឹមសប្ដាហ៍ទី១៩៖
ដូចនេះ ចាំមើលថា តើ ព្រះខ័នរាជស្វាយ ឬមួយក៏ភ្នំពេញក្រោន នឹងរកបានជ័យជម្នះក្នុងជំនួបនេះ ដើម្បីដណ្ដើមកៅអីកំពូកតារាង នៅសប្ដាហ៍ទី២០?
ការប្រកួតពានរង្វាន់លីគកំពូលកម្ពុជា Cambodian Premier League 2023-24 មាន ១០ក្រុមជាសមាជិកដោយត្រូវប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ ដល់លេខ៤ មានឈ្មោះឡើងទៅជុំបន្ត ប៉ះគ្នា១ជុំ សរុបពិន្ទុក្រុមមានពិន្ទុច្រើនជាងគេក្លាយជាម្ចាស់ជើងឯក។ ការប្រកួតបានធ្វើឡើងកាលពីថ្ងៃទី៥ ខែសីហា ឆ្នាំ២០២៣ គ្រោងនឹងបញ្ចប់ថ្ងៃទី១២ ខែឧសភា ឆ្នាំ២០២៤ ខាងមុខ៕
កម្មវិធីប្រកួត ថ្ងៃទី ៣-៤ មករា សប្ដាហ៍ទី២០៖