សហព័ន្ធកីឡាបាល់ទាត់កម្ពុជា នៅល្ងាចថ្ងៃទី៣០ ខែមករា ឆ្នាំ២០២៤នេះបានប្រកាសចែកផ្លូវជាមួយលោក Kazunori Inoue គ្រូបង្គោលក្រុមជម្រើសជាតិកម្ពុជាអាយុក្រោម ១៦ឆ្នាំ និង យុវជនអាយុក្រោម១៥ឆ្នាំនៃមជ្ឈមណ្ឌលសាលាជាតិ (បាទី) ដែលនឹងត្រូវចាកចេញពីប្រទេសកម្ពុជា នៅចុងខែមករា ឆ្នាំ២០២៤នេះហើយ។
លោក KAZUNORI INOUE បង្គោលក្រុមជម្រើសជាតិកម្ពុជា U16 និង U15 យុវជនសាលាបាល់ទាត់ជាតិ បានបង្ហាញចំណាប់អារម្មណ៍យ៉ាដូចច្នេះថា៖ សួស្តីអ្នកទាំងអស់គ្នា ខ្ញុំបាទឈ្មោះ KAZUNORI INOUE ជាគ្រូបង្គោលក្រុមជម្រើសជាតិកម្ពុជាអាយុក្រោម ១៦ឆ្នាំ និង យុវជនអាយុក្រោម ១៥ឆ្នាំនៃមជ្ឈមណ្ឌលសាលាជាតិ(បាទី)។ ខ្ញុំនឹងចាកចេញពីប្រទេសកម្ពុជា នៅចុងខែមករា ឆ្នាំ២០២៤ នេះហើយ។
លោក បន្តថា៖ ខ្ញុំទទួលបានឪកាសបង្វឹកបាល់ទាត់ក្នុងប្រទេសកម្ពុជាអស់ មួយរយៈពេលវែង ដោយលើកទី១ នៅខែកុម្ភៈ ឆ្នាំ២០១៦ ដល់ខែមករា ឆ្នាំ២០១៨ និងលើកទី២ ពីខែកុម្ភៈ ឆ្នាំ២០១៩ ដល់ខែ មករា ឆ្នាំ២០២៤។ ក្នុងកំឡុងពេលនេះ យើងអាចអនុវត្តសកម្មភាពការងារសម្រេចបាន ដោយសារកិច្ចសហប្រតិបត្តិការដ៏អស្ចារ្យ របស់អ្នកទាំងអស់គ្នា ដែលបានចូលរួមក្នុងសម្ថភាពរបស់យើង។
លោកបានបន្ថែមថា៖ ខ្ញុំបានចូលរួមក្នុងវិស័យបាល់ទាត់កម្ពុជាជា យូរមកហើយ ហើយក៏មានសេចក្តីរីករាយជាខ្លាំងដែលបានក្លាយជាផ្នែកមួយនៃប្រវត្តិសាស្ត្របាល់ទាត់កម្ពុជា។ ខ្ញុំសូមថ្លែអំណរអរគុណយ៉ាងជ្រាលជ្រៅចំពោះលោកប្រធាន សៅ សុខា អនុប្រធាន ខៀវ សាមេត លោកអគ្គលេខា ធីការ កែវ សារ៉េត បុគ្គលិក ព្រមទាំងអ្នកដែលពាក់ព័ន្ធទាំងអស់ក្នុងសហព័ន្ធបាល់ទាត់កម្ពុជា ហើយក៏អរគុណផង ដែរ ចំពោះក្លឹបនិងសាលាបាល់តំរង់ទិសទាំងអស់ ដោយបានសហការក្នុងការបញ្ជូនកីឡាករសម្រាប់ក្រុមជម្រើស ជាតិ និងរាល់សកម្មភាពក្នុងមជ្ឈមណ្ឌលសាលាបាល់ទាត់ជាតិ និងអរគុណដល់បុគ្គលិកទាំងអស់នៅក្នុង មជ្ឈមណ្ឌលសាលាបាល់ទាត់ជាតិដែលបានគាំទ្ររាល់សកម្មភាពអោយសម្រេចបានជោគជ័យ និងចំពោះ កីឡាករទាំងអស់ ដែលបានហ្វឹកហាត់ជាមួយ
និងដល់អាជ្ញាកណ្ដាលទាំងអស់គ្នាផងដែរ។
ជាចុងក្រោយលោកបានបញ្ជាក់ថា៖ ក្រុមគ្រូបង្វឹកព្រមទាំងក្រុមគ្រូបង្វឹកនិងកីឡាករគូរប្រកួត ជាចុងក្រោយនេះ ខ្ញុំសូមថ្លែងអំណរគុណចំពោះអ្នកគាំទ្រទំាងអស់ដែលតែងតែគាំទ្រយ៉ាងខ្លាំងក្នុងការប្រកួត ជម្រើសជាតិរបស់ខ្ញុំកន្លងមក និងចំពោះប្រជាជនកម្ពុជាដែលតែងតែ ជួយគាំទ្រក្នុងជីវិតប្រចាំថ្ងៃរបស់ខ្ញុំក្នុង កំឡុងពេលរស់នៅប្រទេសកម្ពុជា។ អរគុណច្រើនអ្នកទាំងអស់គ្នា។ ទោះបីខ្ញុំចាកចេញពីប្រទេសកម្ពុជា ប៉ុន្តែខ្ញុំសូមជូនពរអោយបាល់ទាត់កម្ពុជាបន្តរីកចម្រើនទៅមុខជានិច្ចជួប គ្នាម្ដងទៀតពេលក្រោយ៕
