កីឡាករ Ornai Liude Oliveira Jhon Frith សញ្ជាតិទីម័រខាងកើត របស់ក្លិបបាល់ទាត់ អាយ អេស អាយ ដង្កោសែនជ័យ គឺជាកីឡាករកូតាអាស៊ាន ដំបូងគេដែលអាចរកគ្រាប់បាល់បាន Hat-Trick នៅលីគកំពូលកម្ពុជា Cambodian Premier League រដូវកាល ២០២៣-២៤។
ក្នុងជំនួបលីគកំពូលកម្ពុជា សម្រាប់សប្ដាហ៍ទី១៩ អាយ អេស អាយ ដង្កោសែនជ័យ បានយកឈ្នះ អង្គរថាយហ្គឺរ ក្នុងលទ្ធផល ៧ទល់និង១ នៅកីឡដ្ឋាន AIA KMH Park កាលពីថ្ងៃទី២៨ ខែមករា កន្លងទៅ កីឡាករ JHON FRITH បានជាប់ជាកីឡាករល្អប្រចាំការប្រកួតផងដែរ។
ជ័យជម្នះ ៧គ្រាប់របស់ អាយ អេស អាយ ដង្កោសែនជ័យ រកបានដោយកីឡាករ ឈុំ សុខហៃ ចំនួន ១គ្រាប់ កីឡាករ Luois Willy ចំនួន ២គ្រាប់ កីឡាករ Jhon Frith ចំនួន ៣គ្រាប់ និងកីឡាករ Samura Umaru ចំនួន ១គ្រាប់។
សូមរំលឹកថា នេះជារដូវកាលដំបូងហើយដែលលីគកំពូលកម្ពុជា អនុញាតិឱ្យក្លិបជាសមាជិកប្រើប្រាស់កូតាកីឡាករអាស៊ាន ខណៈកម្ពុជា ប្រទេសទី៣ក្នុងតំបន់អាស៊ាន ដែលបើកអោយប្រើប្រាស់កីឡាករ ក្នុងតំបន់បន្ទាប់ពី ថៃ ម៉ាឡេស៊ី និងឥណ្ឌូណេស៊ី។
ដូច្នេះ កូតាកីឡាករបរទេសនៅលីគកំពូលកម្ពុជា បើកអោយចុះឈ្មោះកីឡាករបរទេសគ្រប់ជាតិសាសន៍ ៤រូប បូកកីឡាករជាពលរដ្ឋអាស៊ី ១រូប និងកីឡាករជាពលរដ្ឋអាស៊ាន១រូប សរុប៦រូប៕
