ប្រុសស្អាត D.O សមាជិក EXO ប្រហែលជាត្រលប់មកសម្ដែងភាពយន្តភាគជាថ្មីម្ដងទៀត ប្រសិនបើការតារាចម្រៀងរូបនេះមានពេលវេលាគ្រប់គ្រាន់។
កាលពីថ្ងៃទី១៣ ខែសីហា ឆ្នាំ២០២១ សារព័ត៌មាន SPOTV បានផ្សាយថា តារាចម្រៀងសមាជិកក្រុម EXO ទទួលបានអត្ថបទភាពយន្ត (Script) ថ្មីមួយដែលមានចំណងជើងថា «True Swordsmanship» ហើយបើសិនសិក្សាទៅលើតារាងពេលវេលាអាចទៅរួចនោះ D.O នឹងបង្ហាញវត្តមានសម្ដែងក្នុងរឿងភាគថ្មីនេះ។
ឆ្លើយតបទៅនឹងការចុះផ្សាយខាងលើផលិតកម្ម SM Entertainment បានលើកឡើងថា «D.P ទទួលបានការស្នើសុំឱ្យចូលរួមសម្ដែងក្នុងរឿងភាគថ្មី True Swordsmanship ហើយកំពុងតែពិនិត្យលើសាច់រឿងនិងតួអង្គដោយយកចិត្តទុកដាក់»
«True Swordsmanship» គឺជារឿងដែលនិយាយពីរដ្ឋអាជ្ញាមួយរូបរួមដៃជាមួយនឹងមនុស្សអាក្រក់ដើម្បីស៊ើបរកមនុស្សដែលនៅពីក្រោយអំពើអយុត្តិធម៌ធ្វើបាបអ្នកទន់ខ្សោយ ជនរងគ្រោះ ហើយបំផ្លាញចោលអស់អំពើពុករលួយក្នុងកំឡុងពេលកាត់ក្ដី។
D.O បានបង្ហាញវត្តមានដំបូងក្នុងឆ្នាំ២០១២ ក្នុងនាមជាសមាជិករបស់ក្រុម EXO ហើយចាប់ផ្ដើមសម្ដែងក្នុងឆ្នាំ២០១៤។ បុរសសង្ហារូបនេះបានធ្វើឱ្យអ្នកគាំទ្រមានការភ្ញាក់ផ្អើលយ៉ាងខ្លាំងជាមួយ នឹងសមត្ថភាពសម្ដែងដ៏ល្អរបស់គេតាមរយៈភាពយន្តភាគ «It’s Okay, That’s Love» និងភាពយន្តខ្នាតធំរឿង «Swing Kids»។
បច្ចុប្បន្ន D.O កំពុងតែមមាញឹកសម្ដែងភាពយន្តថ្មីរបស់ខ្លួនដែលមានចំណងជើងថា «The Moon» ហើយថ្មីៗនេះដែរ D.O ក៏ទើបតែបញ្ចេញមីនីអាល់ប៊ុមទោលរបស់ខ្លួនដែលមានឈ្មោះថា «Empathy» បទចម្រៀងមានចំណងជើងថា «Rose»៕
