តារាកំប្លែងនិងពិធីករភេទទី៣ ដ៏មានប្រជាប្រិយភាពមួយរូបគឺអ្នកនាង ផេនខេក ដែលមានឈ្មោះកំណើតហៅថា វ៉ាន់ សំណាង បានធ្វើឱ្យមហាជនមានការភ្ញាក់ផ្អើលមិនតិចនោះទេ តាមរយៈការបកស្រាយបទរបស់តារាចម្រៀងល្បីមួយរូប ពីមួយបទទៅមួយបទបែប Non-Stop (មិនឈប់) បើមិនហៅថាហ្វេនមិនដឹងថាគួរថាអ្វីទើបសមនោះទេ។
យោងតាមការបង្ហោះរបស់ផេក 3FUN Cambodia ដែលជាកម្មវិធីជជែកកម្សាន្តអនឡាញ ដ៏មានប្រជាប្រិយភាពនិងពេញនិយមខ្លាំងក្នុងចំណោមអ្នកគាំទ្រ បានបង្ហោះវីដេអូខ្លីមួយដែលបង្ហាញឃើញពីសមត្ថភាពដ៏អស្ចារ្យមួយទៀតរបស់អ្នកនាង ផេនខេក ដែលមិនត្រឹមតែមានវោហារល្អពូកែនិយាយឱ្យអ្នកទស្សនាសើចសប្បាយនោះទេ ប៉ុន្តែថែមទាំងមានសមត្ថភាពអាចបកស្រាយបទចម្រៀងរបស់តារាចម្រៀង សុខ ពិសី បែប Non-Stop ថែមទៀតផង។ បើមិនមែនហ្វេន (អ្នកគាំទ្រ) ស្ម័គ្រស្មោះខ្លាំងប្រហែលជាមិនអាចធ្វើបានដូចអ្នកនាងផេនខេកទេមើលទៅ។
ចង់ដឹងថាអ្នកនាង ផេន ខេក ហ្វេនម៉ាក់សី (កញ្ញា សុខ ពិសី) ខ្លាំងកម្រិតណា មានវីដេអូខាងក្រោមជាសាក្សី