កីឡាករម្នាក់បានស្លាប់ បន្ទាប់ពីត្រូវផ្លេកបន្ទោរ វាយចំក្នុងអំឡុងពេលការប្រកួតនៅ មិត្តភាពនៅក្នុងកីឡដ្ឋាន Siliwangi Stadium ស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី។
សោកនាដកម្មបានកើតឡើងកាលពីរសៀលថ្ងៃទី១០ ខែកុម្ភៈ ឆ្នាំ២០២៤ កន្លងទៅ នៅក្នុងការប្រកួតមិត្តភាពរវាងក្រុម FC Bandung ទល់នឹងក្រុម FBI Subang ដែលការប្រកួតនោះធ្វើឡើងនៅក្នុងពហុកីឡាដ្ឋាន Siliwangi Stadium ចម្ងាយប្រហែល ១៥០ គ.ម ភាគខាងត្បូង ទីក្រុង Jakarta។
ជនរកគ្រោះគឺជាសមាជិកម្នាក់របស់ក្រុម FC Bandung មានឈ្មោះថា Septian Raharja អាយុ ៣៥ឆ្នាំ រូបគេបានចូលលេង ជាជម្រើស១១នាក់ដំបូងឱ្យក្រុម តែគួរឱ្យសោកស្តាយនោះ ការប្រកួតនោះទើបតែចាប់ផ្តើមបាន១៥ប៉ុណ្ណោះ នៅវគ្គទី១ ស្រាប់តែមានផ្លេកបន្ទោរ វាយចំរូបគេតែម្តង បណ្តាលឱ្យរូបគេមានរបួសយ៉ាងឆ្ងន់ធ្ងរ។
ភ្លាមៗនោះ កីឡាករ Septian Raharja ត្រូវបានគេសង្គ្រោះបន្ទាន់ដោយបានបញ្ជូនទៅមន្ទីរពេទ្យ តែជាអកុសលរូបគេបានផុតដង្ហើម ក្រោយពេលទៅដល់មន្ទីពេទ្យ៕