កីឡាករហែលទឹកជម្រើសជាតិ ចំនួន ៣រូបកំពុងចូលរួមប្រកួតប្រជែង កីឡាហែលទឹក ជ្រើសរើសជើងឯក ពិភពលោក នៅក្នុងទីក្រុងដូហា ប្រទេសកាតា ដែលបានប្រព្រឹត្តទៅ កាលពីថ្ងៃទី១១ ខែកុម្ភៈ ឆ្នាំ២០២៤នេះ។
ក្នុងនេះកីឡាករហែលទឹកជម្រើសជាតិ ចំនួន ៣រូប ត្រូវចូលរួមប្រកួតរួមមាន៖
១. កីឡាការិនី ឃឺន ចន្ទចរិយា និងត្រូវប្រកួត ០២វិញ្ញាសា គឺ ១០០ម របៀបហែលផ្ងារ ប្រកួតនាថ្ងៃទី១២ ខែកុម្ភៈ ឆ្នាំ២០២៤។ នេះកំណត់ត្រាថ្នាក់ជាតិថ្មី កីឡាការិនី ឃឺន ចន្ទចរិយា លើវិញ្ញាសា ១០០ម របៀបហែលផ្ងារ ក្នុងថេរវេលា ១:០៩.៣១ វិនាទី។
ខណ:វិញ្ញាសារ ៥០ម របៀបហែលផ្ងារ ប្រកួតនាថ្ងៃទី១៤ ខែកុម្ភៈ ឆ្នាំ២០២៤នេះ
២. កីឡាករ មនត្រស ផានសុវណ្ណអារុន និងត្រូវប្រកួត ០២វិញ្ញាសា គឺ ៥០ម របៀបហែលមេអំបៅ ប្រកួតនាថ្ងៃទី១១ ខែកុម្ភៈ ឆ្នាំ២០២៤ ។ ជាលទ្ធផលលើវិញ្ញាសា ៥០ម របៀបហែលមេអំបៅ ក្នុងថេរវេលា ២៦.៩៣ វិនាទី ក្នុងចំណាត់ថ្នាក់លេខ២ ក្នុងសេរី ក្នុងចំណោម១០នាក់ សេរីទី២។
ខណ: វិញ្ញាសារ ១០០មរបៀបហែលសេរី ប្រកួតនាថ្ងៃទី១៧ ខែកុម្ភៈ ឆ្នាំ២០២៤នេះ
៣. កីឡាករ កូសុងដឺឡាប៉ារ៉ង់ អង់ត្វ័នម៉ាតាំងក្លូដ និងត្រូវប្រកួត ០២វិញ្ញាសា គឺ ៥០ម របៀបហែលសេរី ប្រកួតនាថ្ងៃទី១៦ ខែកុម្ភៈ ឆ្នាំ២០២៤ និង៥០មរបៀបហែលផ្ងារ ប្រកួតនាថ្ងៃទី១៧ ខែកុម្ភៈ ឆ្នាំ២០២៤នេះ។
ដោយឡែកសម្រាប់ថ្ងៃទី១៤ កុម្ភ: នេះជាការប្រកួត កីឡាករ មនត្រស ផានសុវណ្ណអារុន និងកីឡាការិនី ឃឺន ចន្ទចរិយា ហែលទឹកជម្រើសជាតិកម្ពុជា ក្នុងការប្រកួតកីឡាហែលទឹក ជ្រើសរើសជើងឯកពិភពលោក នៅទីក្រុងដូហា ប្រទេសកាតា ដែលមានវិញ្ញាសារួមមាន៖
- កីឡាការិនី ចរិយា ប្រកួតលើវិញ្ញាសា ៥០ម របៀបហែលផ្ងារ សេរីទី២ ខ្សែបន្ទាត់លេខ៦ ព្រឹកម៉ោង ០៩:៣៤ (ម៉ោងនៅកាតា)។
- កីឡាករ សុវណ្ណ ប្រកួតលើប្រភេទវិញ្ញាសា ១០០ម របៀបហែលសេរី សេរីទី៤ ខ្សែបន្ទាត់លេខ៥ ព្រឹកម៉ោង ០៩:៥២ (ម៉ោងនៅកាតា)៕