សិល្បៈជាតិ៖ ផ្ទុះមួយប្រ៉ាវ រឿងនាយគ្រឿនជ្រុលខ្លួនថតចម្រៀងផ្សាយហ្គេមអនឡាញ រហូតបង្កឱ្យមានការពេញចិត្តពីសាធារណជន ព្រោះតែអ្នកកំប្លែងដ៏មានប្រជាប្រិយរូបនេះមានអ្នកតាមដានលោកច្រើន មិនថាចាស់ក្មេង ដូច្នេះទើបបង្កឱ្យមានក្ដីបារម្ភ បង្កើតឱ្យមានជាមតិរិះគន់។
យ៉ាងណាមិញ បន្ទាប់ពីការសាមីខ្លួន ចេញមកបង្ហាញគោលជំហរឈប់ផ្សាយហ្ក្គេមអនឡាញ និងស្រាបៀរ ក៏ផ្ដើមមានអ្នកសិល្បៈជាច្រើនទៀត បានចេញមកអះអាងជាសាធារណដែរថាខ្លួននឹងមិនផ្សព្វផ្សាយពីល្បែងជាបន្តទៀតនោះឡើយ ដោយមានអ្នកខ្លះ បានលើកឡើងថាក្រោយចប់កុងត្រា នឹងមិនបន្តកុងត្រាថ្មីនោះទេ។
ត្បិតការបង្ហាញគោលជំហររបស់តារា សិល្បៈ បានក្លាយជារលកយក្សបង្ហាញពីការផ្លាស់ប្ដូរដ៏ធំមួយក្នុងសង្គម ប៉ុន្តែក៏នៅមានបងប្អូនខ្លះទៀត បានចោទជាសំនួរដែរថា អ្នកសិល្បៈឈប់ហើយ នៅឡើយមានបងប្អូន Influencers ខ្លះ អ្នកផលិតមាតិការតាមទំព័រហ្វេសប៊ុកខ្លះ ពិធីករកីឡាខ្លះ នៅបន្តចូលរួមផ្សពផ្វផ្សាយយ៉ាងគគ្រឹកគគ្រេងនៅឡើយ។
ប្រជាពលរដ្ឋ សង្ឃឹមថាស្មារតីចូលរួមលុបបំបាត់ល្បែង អបាយមុខ ដែលកំពុងតែផុសផុលនៅក្នុងចង្កោមអ្នកសិល្បៈនេះ នឹងរីកសាយភាយទៅដល់ផ្នែកពាក់ព័ន្ធផ្សេងៗទៀត ព្រោះបើសិនបុគ្គលល្បីៗទាំងអស់ចូលរួមគ្នាជាធ្លុងមួយទៀត មិនអាចលុបចោលទាំងស្រុង តែបន្តិចម្ដងៗ យើងអាចកាត់បន្ថយពីហានិភ័យខ្ពស់មកនៅត្រឹមហានិភ័យទាប រហូតដល់លែងមានហានិភ័យ ឬផលប៉ះពាល់ដល់ពលរដ្ឋនិងសង្គម។