នៅថ្ងៃទី១៤ កុម្ភ:នេះ សហព័ន្ធកីឡាអេឡិចត្រូនិកកម្ពុជា (EFC) ត្រូវបានទទួលស្គាល់ជាសមាជិក ពេញសិទ្ធ របស់សហព័ន្ធកីឡាអេឡិចត្រូនិកពិភពលោក Global Esports Federation ចាប់ពីខែកុម្ភៈ ឆ្នាំ២០២៤ តទៅ។
ការទទួលបានជាសមាជិក ពេញសិទ្ធ របស់សហព័ន្ធកីឡាអេឡិចត្រូនិកពិភពលោក Global Esports Federation បន្ទាប់ MOONTON GAMES បានផ្តោតមកលើកម្ពុជា និងបានសហការជាមួយ EFC នៅក្នុងឆ្នាំ២០២៣ កន្លងទៅ ក៏ដូចជាការរៀបចំព្រឹត្តិការណ៍ដ៏ធំ គឺជើងឯក Mid Season Cup (MSC) នៅរាជធានីភ្នំពេញ ខណៈកីឡាករ កីឡាការិនី និងអ្នកគាំទ្រលើអេឡិចត្រូនិកនេះយ៉ាងច្រើនសន្ធឹកសន្ធាប់ផងដែរ។
គួរបញ្ជាក់ផងដែរថា វិស័យកីឡាអេឡិចត្រូនិកនៅកម្ពុជា មានការវិវឌ្ឍមួយជំហានទៀត ក្នុងក្របខណ្ឌនៃលីគអាជីព ពេញលេញមួយដោយមានការអញ្ជើញ គ្រូពីក្រៅប្រទេស ក៏ដូចជាកីឡាករបរទេសមកចូលរួមជាក្រុម ក្នុងប្រទេស កម្ពុជាផងដែរ នេះបញ្ជាក់ឃើញថាវិស័យកីឡាអេឡិចត្រូនិកនៅកម្ពុជា មុជកាន់តែជ្រៅទៅកាន់ពិភពលោក៕
