កម្មវិធីប្រកួតវគ្គសន្សំពិន្ទុជុំទី២នឹងបញ្ចប់នៅរសៀលថ្ងៃសុក្រ ទី១៦ ខែកុម្ភៈ ឆ្នាំ២០២៤ នេះហើយក្នុងពានរង្វាន់បាល់ទះ«តេជោលីគ រដូវកាល២០២៣-២៤ (Techo Volleyball Cambodia League)» លើទីលានវិមានពហុកីឡដ្ឋានជាតិ ក្នុងរាជធានីភ្នំពេញ ស្របពេលដែលមាន៣គូត្រូវប៉ះគ្នា មុនយកក្រុមខ្លាំងជាងគេចំនួន៤ក្រុមឡើងទៅវគ្គពាក់កណ្តាលផ្ដាច់ព្រ័ត្រ។
កម្មវិធីប្រកួតថ្ងៃសុក្រ ១៦ កុម្ភៈ (វគ្គសន្សំពិន្ទុជុំទី២)៖
- ម៉ោង១រសៀល ន.ប រាជធានីភ្នំពេញ ប៉ះកងពលធំអន្តរាគមន៍លេខ៣
- ម៉ោង៣:៣០រសៀល ក្រសួងមហាផ្ទៃ ប៉ះ ន.ប ខេត្តពោធិសាត់
- ម៉ោង៦ល្ងាច សមាគមវិសាខា ប៉ះ បញ្ជាការដ្ឋានអង្គរក្ស
កម្មវិធីប្រកួតថ្ងៃសៅរ៍ ១៧ កុម្ភៈ (វគ្គពាក់កណ្តាលផ្ដាច់ព្រ័ត្រ)៖
- ក្រុមចំណាត់ថ្នាក់លេខ១ ប៉ះ ក្រុមចំណាត់ថ្នាក់លេខ៤
- ក្រុមចំណាត់ថ្នាក់លេខ២ ប៉ះ ក្រុមចំណាត់ថ្នាក់លេខ៣
ពានរង្វាន់បាល់ទះ «តេជោលីគឆ្នាំ២០២៣-២៤» មានសមាជិកក្រុមចំនួន១០ក្រុម ដោយតម្រូវអោយប្រកួតជម្រុះដល់ទៅ៣ វគ្គសំខាន់ៗ នោះគឺ៖
- វគ្គទី១ ក្រុមទាំង១០ប៉ះគ្នា សន្សំពិន្ទុ ១ជុំ ហើយក្រុមលេខ១ដល់លេខ៨ មានឈ្មោះបន្តទៅជុំទី២ ខណៈក្រុមក្រុមលេខ៩ និងលេខ១០ ត្រូវកាត់ចេញ
- វគ្គទី២ ក្រុមនៅសល់៨ក្រុមបន្តប្រកួតសន្សំពិន្ទុ១ជុំទៀត ហើយក្រុមលេខ១ដល់លេខ៤ មានឈ្មោះឡើងទៅវគ្គពាក់កណ្តាលផ្ដាច់ព្រ័ត្រ ហើយក្រុមលេខ៧និងលេខ៨ ត្រូវកាត់ចេញ
- វគ្គទី៣ គឺវគ្គពាក់កណ្តាលផ្ដាច់ព្រ័ត្រ និងវគ្គផ្ដាច់ព្រ័ត្រ
ការប្រកួតពានរង្វាន់«តេជោលីគឆ្នាំ២០២៣-២៤» ចាប់ផ្តើមប្រកួតពីថ្ងៃទី១២ ខែមករា ដល់ថ្ងៃទី១៨ ខែមីនា ឆ្នាំ២០២៤ រៀងរាល់ថ្ងៃ សុក្រ-សៅរ៍ និងថ្ងៃអាទិត្យ លើទីលានវិមានពហុកីឡដ្ឋានជាតិ ក្នុងរាជធានីភ្នំពេញ៕
