លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បានមានប្រសាស ន៍ថា៖ «បច្ចុប្បន្នលោកសង្គេតឃើញថាកម្រិតរបស់កីឡករបាល់ទះយើងមកដល់ពេលនេះថ្នាក់តំបន់គឺយើងអាចលេងបានទាំងអស់គ្រប់បណ្ដាលប្រទេសទាំង១១ នៅអាស៊ី-អាគ្នេយ៍»។ នេះជាការលើកឡើងក្រោយបញ្ចប់ព្រឹត្តិការណ៍ ប្រកួតពានរង្វាន់ តេជោលីគ ឆ្នាំ២០២៣-២០២៤ កាលពីថ្ងៃទី១៨ ខែកុម្ភ: ឆ្នាំ២០២៤។
លោកបណ្ឌិត អាំង សិរីពិសិដ្ឋ បន្តថាខណ: នៅតំបន់អាស៊ីមួយចំនួនក៏យើងអាចលេងបានជាមួយដែរ។ ប៉ុន្តែយ៉ាងណាក៏យើងមិនអាចភ្លេចបានឡើង ដូចយើងបានឃើញស្រាប់ហើយនៅ តេជោលីគ វិសាខា គឺជាក្រុមមួយល្អបំផុតចាប់តាំងពីចាប់ផ្ដើម ប៉ុន្តែបានធ្វើឱ្យភ្លាត់នៅការប្រកួតចុងក្រោយ របូតជើងឯក។
ព្រឹត្តិការណ៍ ប្រកួតពានរង្វាន់ តេជោលីគ ឆ្នាំ២០២៣-២០២៤ ក្លិបបញ្ជាការដ្ឋានអង្គរក្ស បានក្លាយជាម្ចាស់ជើងឯក ក្រោយយកឈ្នះលើសមាគមបាល់ទះវិសាខា ក្នុងលទ្ធផល ៣-១ (២៥-១៩, ២៥-២០, ២១-២៥, ២៥-១៩) នៅពហុកីឡដ្ឋានជាតិ កាលពីថ្ងៃអាទិត្យ ទី១៨ ខែកុម្ភ: ឆ្នាំ២០២៤ ស្របពេលស្នងការដ្ឋាននគរបាលរាជធានីភ្នំពេញ ដណ្តើមបានចំណាត់ថ្នាក់លេខ៣ ក្រោយយកឈ្នះក្រសួងមហាផ្ទៃ ៣-២ (២៦-២៨ ២៤-២៥ ២៥-១៦ ១៧-១៥)៕
