ក្លិបបាល់ទាត់ព្រះខ័នរាជស្វាយរៀង ជាក្រុមតែមួយគត់ ដែលរកគ្រាប់បាល់បានច្រើនជាងគេ នៃពានរង្វាន់ Cambodian Prmier League រដូវកាល២០២៣-២៤ និងកាន់កាប់កំពូលតារាង ២០សប្ដាហ៍ នៅសប្ដាហ៍ទី១ ទី២-៣ វិសាខា សប្ដាហ៍ទី៤ ដល់ទី២២ ស្វាយរៀង។
ដោយស្វាយរៀង ក្រោមការដឹកនាំរបស់លោក Pep Muñoz ឆ្លងកាត់ ២២សប្ដាហ៍ មាន ២២ប្រកួត ឈ្នះ ១៨ប្រកួត ស្មើ ២ប្រកួត ចាញ់ ២ប្រកួត ស៊ុតបញ្ចូលទីគូប្រកួតបាន ៥៧គ្រាប់ របូត ២៦គ្រាប់ មាន ៥៦ពិន្ទុឈរកំពូលតារាងចំណាត់ថ្នាក់។
គ្រាប់បាល់ រកបានរបស់ក្រុមទាំង ១០ ប្រកួតនៅលីគកម្ពុជា៖
-ព្រះខ័នរាជស្វាយរៀង រកបាន ៥៧គ្រាប់ របូតវិញ ២៦គ្រាប់
-បឹងកេត រកបាន ៥១គ្រាប់ របូតវិញ ៣៧គ្រាប់
-ភ្នំពេញក្រោន រកបាន ៤៨គ្រាប់ របូតវិញ ២៤គ្រាប់
-វិសាខា រកបាន ៤៦គ្រាប់ របូតវិញ ៣១គ្រាប់
-ព្រៃវែង រកបាន ៣៦គ្រាប់ របូតវិញ ៤៧គ្រាប់
-អាយអេសអាយ ដង្កោសែនជ័យ រកបាន ៣៣គ្រាប់ របូតវិញ ៤២គ្រាប់
-ណាហ្គាវើលដ៍ រកបាន ៣៣គ្រាប់ របូតវិញ ៤៣គ្រាប់
-អង្គរថាយហ្គឺរ រកបាន ៣៣គ្រាប់ របូតវិញ ៦៣គ្រាប់
-កងយោធពលខេមរភូមិន្ទ រកបាន ៣១គ្រាប់ របូតវិញ ៣៣គ្រាប់
-គិរីវង់សុខសែនជ័យ រកបាន ២៦គ្រាប់ របូតវិញ ៤៨គ្រាប់
តារាងចំណាត់ថ្នាក់ ត្រឹមសប្ដាហ៍ទី២២៖
គួរបញ្ជាក់ថា ការប្រកួតពានរង្វាន់លីគកំពូលកម្ពុជា Cambodian Premier League 2023-24 មាន ១០ក្រុមជាសមាជិកដោយត្រូវប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ ដល់លេខ៤ មានឈ្មោះឡើងទៅជុំបន្ត ប៉ះគ្នា១ជុំ សរុបពិន្ទុក្រុមមានពិន្ទុច្រើនជាងគេក្លាយជាម្ចាស់ជើងឯក។ សម្រាប់ការប្រកួតបានធ្វើឡើងកាលពីថ្ងៃទី៥ ខែសីហា ឆ្នាំ២០២៣ គ្រោងនឹងបញ្ចប់ថ្ងៃទី១២ ខែឧសភា ឆ្នាំ២០២៤ ខាងមុខ៕