សិល្បៈជាតិ៖ សម្រាប់អ្នកគាំទ្រភាពយន្តភាគខ្មែររឿង «ដឹកបេះដូងរកស្នេហ៍» របស់ស្ថានីយទូរទស្សន៍ភីអិនអិន ប្រាកដជាបានដឹងហើយថារឿងភាគខ្មែរដែលសម្ដែងដោយតារាល្បីៗ មានដូចជាលោក នូ ឧសភា និង កញ្ញា ស៊ីន យូប៊ីន គឺជាភាពយន្តដែលផលិតឡើងមានគុណភាព កម្រិតស្ដង់ដារ ថែមទាំងឆ្លុះបញ្ចាំងពីជីវិតពិតពិសេសអាជីពរបស់អ្នកដឹកជញ្ជូន ដែលផ្ញើជីវិតលើដងវិថី ដើម្បីបំពេញតម្រូវការអតិថិជន តែនៅមិនទាន់ត្រូវបានគេមើលឃើញពីតម្លៃ។ កញ្ញា ទូច បុប្ផា អ្នកគ្រប់គ្រងកម្មវិធីផ្សាយ និងជាអ្នកគ្រប់គ្រងការផលិតភាពយន្តខ្មែររបស់ស្ថានីយទូរទស្សន៍ភីអិនអិន បានបញ្ជាក់ពីគោលបំណងដែលបញ្ចូលអាជីព ដឹកជញ្ជូនទៅក្នុងភាពយន្តភាគនេះ ព្រមទាំងបង្ហាញពីក្ដីរំភើបដែលភាពយន្តខ្មែររបស់ភីអិនអិន មានការគាំទ្រខ្លាំង ពីសំណាក់ទស្សនិកជន បន្ថែមលើសពីនោះរឿងភាគនេះក៏ជាការបើកទ្វារតេស្ដសមត្ថភាពក្រុមការងារសម្រាប់ការចេញទៅថតនៅក្រៅប្រទេសផងដែរ។
ទស្សនាវីដេអូព័ត៌មានខាងក្រោម៖
