ខ្សែប្រយុទ្ធ Cristiano Ronaldo ត្រូវបានគណៈកម្មការវិន័យរបស់សហព័ន្ធបាល់ទាត់អារ៉ាប៊ីសាអ៊ូឌីត ពិន័យមិនឱ្យចូលលេងចំនួន ១ប្រកួត ក្រោយរូបគេប្រើកាយវិការមិនសមរម្យ ក្នុងជំនួបក្លឹប Al Nassr យកឈ្នះលើក្រុម Al Shabab ដោយលទ្ធផល ៣ទល់នឹង២ នៃការប្រកួតពានរង្វាន់ Saudi Por League រដូវកាលឆ្នាំ២០២៣-២៤ កាលពីថ្ងៃទី២៦ ខែកុម្ភៈ ឆ្នាំ២០២៤ កន្លងទៅ។
មិនត្រឹមតែប៉ុណ្ណោះ កីឡការ Ronaldo ត្រូវពិន័យជាទឹកប្រាក់ចំនួន ២,៦៦៦ ដុល្លារអាមេរិក ដល់សហព័ន្ធ ខណៈប្រាក់ចំនួន ៥,៣០០ដុល្លារអាមេរិក ត្រូវបង់ជូនដល់ក្លឹប Al Shabab ដូច្នេះសរុបទឹកប្រាក់ប្រមាណជាង ៨ពាន់ដុល្លារ៕