ក្ដៅៗនៅថ្ងៃទី១៧ ខែសីហា ឆ្នាំ២០២១នេះ សារព័ត៌មានក្នុងស្រុកប្រទេសចិន បានចេញផ្សាយរឿងរ៉ាវដ៏ភ្ញាក់ផ្អើកមួយគឺកំពូលតារាកំប្លែងហុងកុង Stephen Chow ហៅ ទិនហ្វី កំពុងសម្ងំទាក់ទងជាមួយនឹងសង្សារថ្មីក្មេងខ្ចីល្ហក់មានអាយុត្រឹម ១៧ឆ្នាំ។
សូមចុចអាន ទិនហ្វី មានបញ្ហាលុយខ្លាំងដល់ថ្នាក់បញ្ចាំផ្ទះ ត្រៀមថត«ក្រុមពូថៅដៃ២»បញ្ចាំង Online!
ដំណឹងដ៏ក្ដៅគគុកសម្រាប់ព្រឹកថ្ងៃអង្គារនេះដែលធ្វើឱ្យកក្រើកឧស្សាហកម្មសិល្បៈប្រទេសចិននិងអាស៊ី គឺរឿងដែលមានបែកធ្លាយរូបភាពរបស់តារាល្បីរូបនេះកំពុងតែដើរកម្សាន្តជាមួយនឹងស្រីស្រស់វ័យ១៧ឆ្នាំ ឈ្មោះ Zhang Xiaoqi ។
នៅក្នុងរូបភាពណាត់ជួបដែលអ្នកសារព័ត៌មានផ្ដិតយកមកផ្សព្វផ្សាយបាននោះ ទិនហ្វី បានបន្លំស្លៀកពាក់សំលៀកបំពាក់យុវវ័យ ពាក់មួក និងពាក់ម៉ាស់។ អ្នកទាំងពីរនិងក្រុមមិត្តភក្ដិរបស់ Zhang Xiaoqi បានឡើងលើកប៉ាល់ទេសចរណ៍ដ៏ប្រណីតមួយហើយបើកចេញទៅលេងទឹកសមុទ្រជាមួយនឹងគ្នា។
សារព័ត៌មានក៏បានបង្ហាញដែរថា Stephen Chow បង្ហាញក្ដីស្រលាញ់ចំពោះគូស្នេហ៍ក្នុងពាក្យចចាមអារ៉ាមរបស់ខ្លួនយ៉ាងខ្លាំង ព្រោះលោកបានថែមទាំងថតរូបឱ្យមិត្តស្រីវ័យក្មេងខណៈកញ្ញាកំពុងតែសើចសប្បាយថែមទៀតផង។៊
យោងតាមប្រភពជិតស្និទ្ធិបានឱ្យដឹងថា ទិនហ្វីបានជួបជាមួយនឹង Zhang Xiaoqi នៅក្នុងកម្មវិធីជួបជុំមួយ ដោយតារាជើងចាស់រូបនេះគឺជាអ្នកចាប់ផ្ដើមចូលទៅសន្ទនានិងសុំលេខទំនាក់ទំនងពីខាងស្រី។
Zhang Xiaoqi កើតនៅឆ្នាំ២០០៤ មុខមាត់ស្អាតនិងរូបរាងគួរឱ្យស្រលាញ់ កន្លងមកស្រីស្រស់រូបនេះធ្លាប់បានចូលរួមប្រកួតក្នុងកម្មវិធីកញ្ញាឯកហុងកុង ប៉ុន្តែមិនបានទទួលជោគជ័យនោះទេ៕
សូមចុចអាន ភាពយន្តគំនូរជីវចល «ស្ដេចស្វាអ៊ូខុង» របស់ទិនហ្វីនឹងមានបញ្ចាំងលើ Netflix ឆ្នាំ២០២៣!
