តារាចម្រៀងល្បី Kris Wu ឬ មានឈ្មោះជាភាសាចិន វ៉ូ អ៊ីហ្វាន អាចនឹងត្រូវកាត់ទោសចាក់ថ្នាំគ្រៀវ ក្រោយប្រទេសចិនធ្វើបត្យាប័នប្រគល់តារាល្បីរូបនេះទៅកាន់ប្រទេសកាណាដាវិញ។
យោងតាមសារព័ត៌មានក្នុងស្រុកបានផ្សាយឱ្យដឹងថាតារាចិនសញ្ជាតិកាណាដា Kris Wu អាចនឹងត្រូវនាំខ្លួនទៅកាន់ប្រទេសកាណាដា ដែលជាប្រទេសមានច្បាប់រឹតបន្តឹងនិងប្រឆាំងបទល្មើសផ្លូវភេទធ្ងន់ធ្ងរ។
នៅក្នុងប្រទេសកាណាដា បទល្មើសទាក់ទងនឹងផ្លូវភេទអាចនឹងប្រឈមនឹងការកាត់ទោសជាច្រើនយ៉ាងក្នុងនោះមានការកាត់ទោសចាក់ថ្នាំគ្រៀវ។ យោងតាមសារព័ត៌មានក៏បានឱ្យដឹងដែរថាការចាក់ថ្នាំនេះត្រូវបានណែនាំដោយច្បាប់កាណាដាដើម្បីដាក់ទោសចំពោះអ្នកប្រព្រឹត្តិបទល្មើសផ្លូវភេទ។
ក្នុងករណី Kris Wu លោកត្រូវតែទទួលយកទោសខាងលើដែលជាទោសមួយមានលក្ខណៈស្រាលជាងទោសផ្សេងៗ។ តើអ្វីទៅជាថ្នាំគ្រៀវ? យោងតាមអ្នកជំនាញ ការចាក់ថ្នាំក្រៀវគឺជាការប្រើប្រាស់ថ្នាំចាក់ចូលទៅក្នុងអ័រម៉ូន ភេទបុរសតេស្តស្ដេរ៉ូន ធ្វើឱ្យតេស្តស្ដេរ៉ូនភាពជាបុរសធ្លាក់ចុះ បណ្ដាលឱ្យបុរសកាត់បន្ថយគ្មានចំណង់ផ្លូវភេទ។ តាមដឹងថ្នាំគ្រៀវនេះអាចមានប្រសិទ្ធភាពរហូតដល់ទៅ១៥ឆ្នាំ។
Kris Wu កសាងបានកេរ្តិ៍ឈ្មោះល្បីល្បាញដោយសារតែលោកបានចូលរួមជាសមាជិកក្រុមចម្រៀងកូរ៉េដ៏ល្បី EXO ហើយក្រោយមកនៅឆ្នាំ ២០១៤ លោកបានចាកចេញពីក្រុម ហើយមកដើរតួនាទីជា តារាចម្រៀងទោល តារាសម្ដែង តារាម៉ូដែល គណៈកម្មការកម្មវិធីប្រកួតនៅប្រទេសចិនវិញ៕
ទស្សនាវីដេអូព័ត៌មានខាងក្រោម៖