សិល្បៈជាតិ៖ ដូចអ្នកគាំទ្របានដឹងហើយថា អតីតម្ចាស់ពាន Cambodia Got Talent រដូវកាលទីមួយ លោក យឿន ពិសី កើតមកមាន កែវភ្នែកល្អៀងគ្នា (ឬហៅថាស្រលេវ) ប៉ុន្តែនៅពេលថ្មីៗនេះលោកបានចេញមកប្រកាសដំណឹងល្អថា លោកមានកែវភ្នែកត្រង់វិញដូចគេដូចឯងហើយ។
យោងតាមការបង្ហោះរបស់ទំព័រហ្វេសប៊ុក តារាចម្រៀង យឿន ពិសី បានបង្ហោះចែករំលែកដំណឹងដ៏រីករាយជាមួយនឹងអ្នកគាំទ្ររបស់ខ្លួនកាលពីថ្ងៃតី៩ ខែមីនា ឆ្នាំ២០២៤ កន្លងទៅ «ទីបំផុតខ្ញុំទទួលបានការវះកាត់ដោយជោគជ័យហើយពុកម៉ែបងប្អូន។ ភ្នែករបស់ខ្ញុំបាទពេលនេះប្រែជាត្រង់ឡើងវិញហើយបាទ។ ជាដំបូងខ្ញុំបាទសូមគោរពអរគុណដល់លោកគ្រូ។ Khauv Phara ដែលលោកគ្រូបានផ្ដល់ឱកាសមួយនេះនិងផ្ដល់កាដូជីវិតជូនខ្ញុំបាទដែលធ្វើឲ្យខ្ញុំបាទមានថ្ងៃនេះ។ ខ្ញុំបាទសូមគោរពអរគុណពុកម៉ែបងប្អូនទាំងអស់ដែលបានជូនពរដល់រូបខ្ញុំបាទដែលធ្វើឲ្យខ្ញុំបាទមានកម្លាំងចិត្តស៊ូទ្រាំរហូតទទួលបានសម្រេចជោគជ័យក្នុងការវះកាត់នៅពេលនេះ។ ខ្ញុំបាទមានតែម្រាមដៃ 10 គោរពអរគុណពុកម៉ែបងប្អូនពីចម្ងាយនិងសូមគោរពជូនពរពុកម៉ែបងប្អូនក្នុងឱកាសឆ្នាំថ្មីខាងមុខនេះសូមជួបប្រទះតែសុខសុភមង្គលជោគជ័យគ្រប់ភារកិច្ចការងារនិងជាពិសេសសូមសម្រេចបានជោគជ័យគ្រប់បំណងប៉ងប្រាថ្នាទាំងអស់គ្រប់ក្រុមគ្រួសារ។ គោរពអរគុណលោកគ្រូ ខៀវ ផារ៉ា ឯកទេសព្យាបាលភ្នែកដ៏ខ្លាំងពូកែ ខ្ញុំបាទពិតជាមានទំនុកចិត្តលើលោកគ្រូយ៉ាងខ្លាំង។ ខ្ញុំបាទសូមគោរពជូនពរលោកគ្រូព្រមទាំងគោរពជូនពរឲ្យ គ្លីនិចរបស់លោកគ្រូទទួលជួបតែអតិថិជនកាន់តែច្រើននិងជាពិសេសគោរពជូនពរលោកគ្រូសុំជួបប្រភាពរីកចម្រើនគ្រប់ភារកិច្ចការងារ។»
នេះចាត់ទុកជាដំណឹងដ៏រីករាយមួយសម្រាប់អ្នកដែលស្រលាញ់ចូលចិត្ត និងគាំទ្រតារាចម្រៀងរូបនេះ ត្បិតថាជីវិតស្នេហាលោករបស់លោកបរាជ័យ តែគេសង្ឃឹមថាជីវិតលោក នឹងទទួលភាពល្អប្រសើរឡើងវិញក្រោយពីទទួលបានកែវភ្នែកស្អាតត្រង់ដូចគេដូចឯង៕
