សិល្បៈជាតិ៖ អ្នកនាង ខាត់ សុឃីម តារាពហុជំនាញបានទម្លាយរូបភាពជាច្រើនសន្លឹក ដោយក្នុងនោះក៏មានរូបភាពមួយចំនួនអ្នកនាងបានថតជាអនុស្សាវរីយ៍ជាមួយតារាជើងចាស់លោក ទេព វាសនា ដែលធ្វើឱ្យអ្នកគាំទ្រមានការភ្ញាក់ផ្អើលជាខ្លាំង ព្រោះមានអ្នកខ្លះយល់ច្រឡំថាការដែលបាត់មុខពីពិភពសិល្បៈ ព្រោះតែឯកឧត្តមបានទទួលមរណភាព។
បាត់មុខមួយរយៈធំចេញពីវិស័យសិល្បៈជាង២០ឆ្នាំ ស្រាប់តែនៅក្នុងកម្មវិធីមង្គលការមួយដែលអ្នកនាង ខាត់ សុឃីម បានទៅច្រៀងនោះ ក៏បានជួបនឹងឯកឧត្តម ទេព វាសនា ឬ អតីតតារាសម្ដែងល្បីនាទស្សវត្សរ៍ទី៩០ មានរូបរាងខុសប្លែកពីមុនច្រើន ព្រោះតែកាលពីមុនលោកគឺជាតារាសម្ដែងដ៏ស្រស់សង្ហា បច្ចុប្បន្នត្បិតថាលោកនៅរក្សារូបរាងបានសមសួន និងសង្ហា តែបើមើលទៅលើវ័យឃើញថា មានភាពចាស់ជាងមុនឆ្ងាយ។
លោក ទេព វាសនា បច្ចុប្បន្នគឺជាមន្ត្រីរាជការបម្រើការងារនៅក្នុងជួររាជរដ្ឋាភិបាល ដោយលោកបានផ្ដាច់ខ្លួនចេញពីរង្វង់សិល្បៈ ហើយទៅផ្ដោតលើភារកិច្ចការងារជាមន្ត្រីរបស់ខ្លួន៕