សិល្បៈជាតិ៖ កំពូលតារាសម្ដែងលំដាប់ប្រទេសកញ្ញា ស៊ីន យូប៊ីន មិនត្រឹមតែជោគជ័យយ៉ាងត្រចះត្រចង់នៅក្នុងប្រទេសនោះទេ តែកេរ្តិ៍ឈ្មោះរបស់កញ្ញាក៏ត្រូវបានអន្តរជាតិទទួលស្គាល់ផងដែរ ដោយស្រីស្អាតយើងធ្លាប់ទទួលបានពានរង្វាន់អន្តរជាតិផង និងចូលរួមជាភ្ញៀវជាកិត្តិយសក្នុងព្រឹត្តិការណ៍របស់ប្រេន (Brand) ធំៗជាច្រើន។
គេអាចនិយាយបានថាភាពយន្តគុណភាពកម្រិតអន្តរជាតិ «បណ្ដាសានាងរាត្រី» របស់កំពូលតារាសម្ដែង ស៊ីន យូប៊ីន កំពុងតែផ្ទុះបាននូវការគាំទ្រជាខ្លាំង មិនមែនដោយសារតែត្រឹមពាក្យថាជាតិនិយមតែមួយមុខនោះទេ តែដោយសមត្ថភាពសម្ដែងរបស់តួអង្គ សាច់រឿង គុណភាព កម្រិតស្ដង់ដារ ទើបធ្វើឱ្យភាពយន្តខ្នាតធំដែលកំពុងតែដាក់បញ្ចាំងនៅលើរោងភាពយន្តនេះទទួលបាននូវការសាទរនិងគាំទ្រពីសំណាក់អ្នកទស្សនា។ យ៉ាងណាមិញមិនត្រឹមតែជោគជ័យក្នុងស្រុកនោះទេ ព្រោះស្ងាត់ៗស្រីស្អាតយើងបានបង្ហាញវត្តមានក្នុងកម្មវិធីដ៏ធំនៅប្រទេសកូរ៉េខាងត្បូងរបស់ប្រេន Bulgari studio ដែលជាកម្មវិធីប្រមូលផ្ដុំទៅដោយតារាប្រុស-ស្រី មានកេរ្តិ៍ឈ្មោះល្បីល្បាញកម្រិតអន្តរជាតិ។ នៅក្នុងនោះដែរ យូប៊ីន របស់កម្ពុជា ក៏បានជួបថតរូបជាមួយនឹងសមាជិកក្រុមចម្រៀង Black Pink កញ្ញា Lisa ផងដែរ។
នេះគឺជាមោទនភាពដ៏ធំធេងមួយដែលតារាកម្ពុជា កាន់តែច្រើនរូបហើយត្រូវបរទេសទទួលស្គាល់ និងអញ្ជើញចូលរួម Event ធំៗកម្រិតពិភពលោក មិនថា កញ្ញា ស៊ីន យូប៊ីន ក្ដី ឬគូស្វាមីភរិយាកំពូលតារា Rap G-Devith និង Tep Borprek៕
